Convocada a provisión, polo sistema de libre designación, dos postos de directores e directoras da Rede de centros integrados de formación profesional de Galicia, anunciada pola Orde do 25 de maio de 2021 (Diario Oficial de Galicia nº 102, do 2 de xuño), de conformidade co establecido no artigo quinto da citada orde,

DISPOÑO:

Primeiro. Resolver a convocatoria pública para a provisión, polo sistema de libre designación, dos postos de directores e directoras da Rede de centros integrados de formación profesional de Galicia, anunciada pola Orde do 25 de maio de 2021, unha vez vistos os informes emitidos polos consellos sociais e polos claustros de profesorado dos centros integrados, tal e como establece o punto 2 do artigo quinto da citada orde.

Segundo. En uso das atribucións conferidas polo punto 4 do artigo quinto da antedita orde, nomear directores e directoras da Rede de centros integrados de formación profesional de Galicia os candidatos relacionados no anexo desta resolución.

Terceiro. O nomeamento referido no punto segundo desta resolución terá efectos administrativos e económicos desde o 1 de xullo de 2021, inclusive.

Cuarto. Contra esta resolución, que non pon fin á vía administrativa, as persoas interesadas poderán interpor recurso de alzada perante o conselleiro de Cultura, Educación e Universidade, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas.

Santiago de Compostela, 22 de xuño de 2021

José Luis Mira Lema
Secretario xeral de Educación e Formación Profesional

ANEXO

Provincia	Concello	Código do centro	Centro integrado de formación profesional	Apelidos e nome	DNI
A Coruña	A Coruña	15022607	CIFP Ánxel Casal-Monte Alto	Lesta Íñiguez, Cristina	***9030**
A Coruña	A Coruña	15024513	CIFP Someso	Varela Mariño, Víctor Manuel	***8841**
A Coruña	A Coruña	15027800	CIFP Imaxe e Son	Romero Sánchez, Ignacio María	***3476**
A Coruña	A Coruña	15027897	CIFP Paseo das Pontes	Sobrado Vázquez, Pablo	***6110**
A Coruña	Santiago de Compostela	15015767	CIFP Politécnico de Santiago	Espasandín Gerpe, Nicolás	***0574**
Ourense	Ourense	32008902	CIFP A Carballeira-Marcos Valcárcel	Vázquez Guzmán, Marta	***5561**
Pontevedra	Pontevedra	36014489	CIFP A Xunqueira	Ferrer Moreira, Santiago	***5539**