Para os efectos previstos no artigo 54 da Lei 7/2012, do 28 de xuño, de montes de Galicia, dáselle publicidade á proposta de deslindamento do MVMC Serra de Loibán, Costa de Cebrán, Lombas e Pico O Raso con propiedades particulares, presentada o 17.7.2020 pola comunidade de Ourol.

Con data 14.5.2021, o Servizo de Montes de Lugo emitiu un informe favorable ao considerar que non existe menoscabo da integridade do MVMC.

Contra a proposta de deslindamento, as persoas interesadas poderán presentar ante a comunidade propietaria as alegacións e os títulos que acrediten a propiedade ou a posesión dos predios afectados, no prazo dun mes, que comezará a contar a partir do día seguinte ao da publicación deste anuncio.

Durante este prazo, a documentación estará dispoñible no Servizo de Montes de Lugo, sito na rolda da Muralla, 70, baixo 2º, das 9.00 a 14.00 horas, de luns a venres, para os efectos de coñecer integramente o contido da dita proposta.

Lugo, 31 de maio de 2021

Mª Olga Iglesias Fontal
Xefa territorial de Lugo