A instalación denominada LMTS e CT Camiño da Quinta, no concello de Mos, foi declarada de utilidade pública mediante a Resolución do 24 de febreiro de 2021, da Xefatura Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa UFD Distribución Electricidad, S.A.

Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o día 24 de xuño de 2021, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do Concello de Mos.

A persoa interesada recibirá unha notificación individual coa debida antelación legal, en que se lle comunicará a data e a hora en que deberá presentarse no seu predio e que poderá ir acompañada por un perito ou un notario, pola súa conta, se así o considera conveniente.

Cando a persoa propietaria ou titular de dereitos sobre o predio afectado sexa descoñecida ou se ignore o lugar de notificación, dirixiranse ao Ministerio Fiscal as dilixencias que se produzan desta, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado.

Vigo, 24 de maio de 2021

Tomás Nogueiras Nieto
Xefe territorial de Pontevedra

ANEXO

LMTS e CT Camiño da Quinta (Mos)

Nº	Referencia catastral	Lugar	Cultivo	Nome e apelidos	Nº apoio	m2 solo	m2 servidume paso soterrada	Concello
1	36033A068006950000SY	Pedreira	Agrario	Descoñecido	CT	12,96	4,6	Mos