De conformidade co disposto no artigo 52 da Lei do 16 de decembro de 1954, de expropiación forzosa, o Consello da Xunta de Galicia, na sesión do 30 de xaneiro de 2020, acordou a declaración de urxente ocupación, para os efectos de expropiación forzosa, dos bens e dereitos para a execución das obras do proxecto denominado modificado da estación de tratamento de auga potable (ETAP) da plataforma loxística industrial Salvaterra de Miño-As Neves (Plisan), zona de captación, así como en calquera das modificacións que sexan necesarias realizar para a súa execución.
O día 1 de xullo de 2020, levantáronse as actas de ocupación de todos os predios do expediente, logo do ofrecemento do pagamento do importe do depósito previo e indemnización por rápida ocupación e consignándoos, de ser o caso.
Ao abeiro das previsións establecidas no artigo 24 da Lei de expropiación forzosa, foi acordada, libremente e por mutuo acordo, a adquisición coas persoas propietarias dos predios número 5, 6, 8 e 10 do expediente expropiatorio.
Os restantes expedientes (predios núm. 1, 2, 3, 4, 7 e 9) seguen a figurar como descoñecidos ou non acreditaron a súa titularidade durante todo o procedemento. Por tal motivo, foron remitidos xunto coa folla de prezo xusto realizada pola Administración ao Xurado de Expropiación de Galicia (en diante, XEG), co obxecto de que se fixara o prezo xusto definitivo en vía administrativa.
O Pleno do XEG, na súa sesión celebrada o 25 de febreiro de 2021, acordou aceptar en todos os casos a valoración realizada pola Administración expropiante en cada un dos expedientes remitidos.
Dado que nos predios co número de orde 1, 2, 3, 4, 7 e 9 deste expediente expropiatario non se acreditou en ningún momento a súa titularidade ante esta administración, procedeuse á consignación dos importes. A consignación realizouse na Caixa Xeral de Depósitos da Xunta de Galicia, Consellería de Facenda, Departamento Territorial de Pontevedra, o día 20 de maio de 2021. O importe consignado por cada predio é o correspondente ao prezo xusto acordado polo XEG, no que se desconta o importe de depósito previo (tamén consignado), máis a indemnización que recolle o artigo 52.8 da Lei de expropiación.
En consecuencia, ao abeiro do establecido no artigo 44 da Lei 39/2015, do 1 de outubro, do procedemento administrativo común, acórdase:
Realizar un anuncio de consignación, por expropiación forzosa, do prezo xusto dos predios núm. 1, 2, 3, 4, 7 e 9 do expediente expropiatorio para a execución das obras do proxecto denominado modificado da estación de tratamento de auga potable (ETAP) da plataforma loxística industrial Salvaterra de Miño-As Neves (Plisan), zona de captación (anexo).
Para proceder ao seu levantamento, as persoas que acrediten ser titulares deberán dirixirse previamente á Área Provincial do IGVS en Pontevedra, sita na rúa Alcalde Hevia, 7, Pontevedra.
Este anuncio publicarase no Diario Oficial de Galicia e no taboleiro de edictos único do Boletín Oficial del Estado, o que lles servirá de notificación aos interesados descoñecidos, dos cales se ignore o lugar de notificación ou aos que, intentada a notificación, non se puidese efectuar, de conformidade co artigo 44 da Lei 39/2015, do 1 de outubro, do procedemento administrativo común das administracións públicas.
Ademais, notificaráselles individualmente aos titulares dos predios que figuran no listado anexo e ao Ministerio Fiscal, para os efectos do establecido no artigo 5 da Lei de expropiación forzosa.
Santiago de Compostela, 26 de maio de 2021
Heriberto García Porto
Director xeral do Instituto Galego da Vivenda e Solo
ANEXO
Consignación do prezo xusto do expediente expropiatorio para executar
o proxecto denominado modificado ETAP da Plisan, zona de captación
Núm. orde |
Referencia |
Polígono |
Parcela |
Titular |
Consignación |
|
Día |
Número |
|||||
1 |
36034A16100110 |
161 |
110 |
Descoñecido |
20.5.2021 |
2021/36/191 |
2 |
36034A16101647 |
161 |
1647 |
Descoñecido |
20.5.2021 |
2021/36/192 |
3 |
36034A16101646 |
161 |
1646 |
Descoñecido |
20.5.2021 |
2021/36/193 |
4 |
36034A16100106 |
161 |
106 |
Alonso Antes, José |
20.5.2021 |
2021/36/194 |
7 |
36034A16100108 |
161 |
108 |
Santos Lira, María |
20.5.2021 |
2021/36/195 |
9 |
36034A16101645 |
161 |
1645 |
González Rocha, Argimiro (hros. de) |
20.5.2021 |
2021/36/196 |