DOG 106 do 7/06/2021 - RESOLUCIÓN do 20 de maio de 2021 pola que se lle dá publicidade á prórroga do prazo de execución do encargo á empresa pública Empresa de Transformación Agraria, S.A., SME, MP (Tragsa), para a realización das obras complementarias ás encargadas pola Resolución do 14 de decembro de 2018 respecto das obras de acondicionamento e urbanización da ampliación do Centro de Investigación Aerotransportada de Rozas (CIAR) en Lugo.

III. Outras disposicións

Axencia Galega de Innovación

RESOLUCIÓN do 20 de maio de 2021 pola que se lle dá publicidade á prórroga do prazo de execución do encargo á empresa pública Empresa de Transformación Agraria, S.A., SME, MP (Tragsa), para a realización das obras complementarias ás encargadas pola Resolución do 14 de decembro de 2018 respecto das obras de acondicionamento e urbanización da ampliación do Centro de Investigación Aerotransportada de Rozas (CIAR) en Lugo.

De conformidade co previsto no artigo 8 da Lei 19/2013, do 9 de decembro, de transparencia, acceso á información pública e bo goberno, e no artigo 8 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade da ampliación do prazo de execución da seguinte encarga:

• Resolución do 18 de agosto de 2020, da Axencia Galega de Innovación (GAIN), pola que se encarga a Tragsa (Empresa de Transformación Agraria, S.A., SME, MP) a realización das obras complementarias ás encargadas pola Resolución do 14 de decembro de 2018, da Axencia Galega de Innovación, respecto das obras de acondicionamento e urbanización da ampliación do Centro de Investigación Aerotransportada de Rozas (CIAR) en Lugo.

• Prazo de vixencia inicial: seis meses, contado desde o día de sinatura da acta de implantación (ata o 21.3.2021), ampliado por un período de 60 días mediante Resolución do 7 de abril de 2021.

• Período polo que se prorroga o prazo de execución: 10 semanas (ata o 31.7.2021).

Santiago de Compostela, 20 de maio de 2021

Patricia Argerey Vilar
Directora da Axencia Galega de Innovación