Consonte o establecido no artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro), publícase no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a este mandato,
DISPOÑO:
Artigo único. Dar publicidade aos convenios subscritos pola Axencia Galega de Infraestruturas (AXI) no primeiro cuadrimestre do ano 2021, que se incorpora como anexo a esta resolución.
Santiago de Compostela, 18 de maio de 2021
Francisco Menéndez Iglesias
Director da Axencia Galega de Infraestruturas
ANEXO
Convenios de colaboración subscritos pola Axencia Galega de Infraestruturas no primeiro cuadrimestre de 2021
Descrición |
Data de sinatura |
Importe |
Convenio de colaboración entre a Axencia Galega de Infraestruturas e o Concello de Vilariño de Conso para mellorar a accesibilidade da vía OU-0701 |
9.3.2021 |
25.814,60 |
Convenio de colaboración entre a Axencia Galega de Infraestruturas e o Concello de Valga para a segunda fase da dotación de servizos e pavimentación na PO-190, desde o p.q. 0+470 ao p.q. 1+290 |
29.4.2021 |
531.498,30 |