O Xurado Provincial de Clasificación de Montes Veciñais en Man Común de Ourense, en sesión do 21 de abril de 2021, acordou iniciar os trámites para a clasificación como veciñal en man común do monte coas características que de seguido se relacionan:

Nome do monte: De Trasmiras.

Superficie: 0,65 ha (segundo os datos do Rexistro da Propiedade), 0,6 ha (segundo os datos catastrais).

Pertenza: veciños/as de Trasmiras.

Parroquia: Trasmiras (San Xoán).

Concello: Trasmiras.

Na seguinte táboa indícanse as referencias catastrais das parcelas obxectos de clasificación, así como as das estremeiras.

Parcela obxecto de clasificación	Parcelas estremeiras
32083A50301314	Norte	32083A50321315 32083A50311315
	Leste e sur	Camiño (sen referencia catastral)
	Oeste	Terreo de dominio público polo que ten acceso á N-525 (sen referencia catastral)

O que se pon en coñecemento de todos os interesados indicándolles que se abre un período dun mes para que poidan examinar o expediente e efectuar as alegacións que consideren convenientes, así como achegar os documentos ou informacións que xulguen oportunas, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.

Ourense, 29 de abril de 2021

Luis Jorge Álvarez Ferro
Presidente do Xurado Provincial de Clasificación
de Montes Veciñais en Man Común de Ourense