De conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, e na Orde da Consellería de Sanidade, do 24 de maio de 2006, pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, convocouse mediante a Resolución do 24 de xaneiro de 2020 (DOG núm. 31, do 14 de febreiro), a provisión, polo sistema de concurso de méritos, de varios postos de xefatura de grupo de persoal administrativo de xestión e servizos.
Con base no Decreto 137/2019, do 10 de outubro, polo que se establece a estrutura orgánica do Servizo Galego de Saúde, na Orde do 22 de abril de 2020 sobre delegación de competencias en órganos centrais e periféricos do Servizo Galego de Saúde, e no Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia, esta xerencia
DISPÓN:
Primeiro. Resolver a convocatoria pública para a provisión de varios postos de xefatura de grupo de persoal administrativo de xestión e servizos da Área Sanitaria de Vigo, convocada mediante a Resolución do 24 de xaneiro de 2020.
Segundo. Nomear, para os postos que se indican, as persoas citadas no anexo desta resolución.
Terceiro. O aspirante nomeado deberá cesar na praza que desempeñe dentro dos tres (3) días hábiles seguintes a aquel en que se publique esta resolución no Diario Oficial de Galicia.
A toma de posesión do posto de traballo adxudicado deberase efectuar dentro dos dous (2) días hábiles seguintes ao do cesamento, se a praza desempeñada e o posto adxudicado son da mesma área de saúde, ou no prazo de sete (7) días hábiles, se son de distinta área de saúde. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrición ou destino provisional ou comisión de servizos.
Se así o permiten as necesidades do servizo, e por petición motivada do interesado, os prazos a que se refiren os parágrafos anteriores poderán ser prorrogados polo órgano convocante.
O prazo de toma de posesión e a súa prórroga terán a consideración de servizo activo e os correspondentes haberes percibiranse de conformidade co que estableza a orde sobre a confección de nóminas do persoal ao servizo da Administración autonómica.
Entenderase que solicita a excedencia voluntaria por interese particular, e será declarado nesa situación polo órgano competente, quen non se incorpore ao posto adxudicado no prazo establecido.
Cuarto. Contra esta resolución poderá interpoñer recurso de alzada, perante a Dirección Xeral de Recursos Humanos do Servizo Galego de Saúde, no prazo dun mes a partir do día seguinte ao da súa publicación, nos termos previstos no artigo 121 e seguintes da Lei 39/2015, do 1 de outubro, do procedemento administrativo común das administracións públicas.
Vigo, 30 de abril de 2021
Francisco Javier Puente Prieto
Xerente da Área Sanitaria de Vigo
ANEXO
1. Denominación do posto: xefa de grupo secretaría de Dirección Asistencial.
Nome e apelidos: Fátima María Lorenzo Martínez.
DNI: ***9438**.
2. Denominación do posto: xefa de grupo de secretaría de Dirección de Enfermaría-Área Recursos Humanos.
Nome e apelidos: María Belén Figueirido Acevedo.
DNI: ***8919**.
3. Denominación do posto: xefe de grupo de secretaría de Dirección de Enfermaría-Área Recursos Humanos.
Nome e apelidos: Julio Sotelo Rodríguez.
DNI: ***0251**.
4. Denominación do posto: xefa de grupo de secretaría de Dirección de Enfermaría-Área Recursos Humanos.
Nome e apelidos: Erica Veloso García.
DNI: ***7015**.
5. Denominación do posto: xefa de grupo de secretaría de Dirección de Enfermaría-Área Recursos Humanos.
Nome e apelidos: María Rosa de Celis Fernández.
DNI: ***6139**.
6. Denominación do posto: xefa de grupo de secretaría de Dirección de Enfermaría.
Nome e apelidos: María Carmen Medina Veloso.
DNI: ***2516**.
7. Denominación do posto: xefa de grupo de secretaría de Dirección de Atención Primaria.
Nome e apelidos: Sara Suárez Gardón.
DNI: ***5248**.
8. Denominación do posto: xefa de grupo de secretaría de Dirección de Recursos Humanos.
Nome e apelidos: Ana Isabel Domínguez Pérez.
DNI: ***8151**.
9. Denominación do posto: xefa de grupo de secretaría de residentes en formación de Atención Hospitalaria.
Nome e apelidos: María de Fátima Paz de Miranda.
DNI: ***5868**.