Mediante a Orde do 18 de marzo de 2021, publicada no Diario Oficial de Galicia núm. 60, do 30 de marzo de 2021, convocouse a provisión, polo sistema de libre designación, de varios postos de traballo vacantes na Consellería de Cultura, Educación e Universidade.
De conformidade co establecido no artigo 92 da Lei 2/2015, do 29 de abril, do emprego público de Galicia, e no Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e no uso das atribucións conferidas polo artigo 17.2.c) da citada lei e o artigo 17.4 do citado decreto, esta consellería
RESOLVE:
Primeiro. Adxudicarlles o destino nos postos de traballo que se indican ás persoas funcionarias de carreira que se relacionan no anexo da presente orde.
Segundo. O cesamento no actual destino efectuarase, segundo o previsto no artigo 14 do citado Regulamento de provisión de postos de traballo, promoción profesional e promoción interna, no prazo de tres días contados a partir do seguinte ao da publicación desta orde no Diario Oficial de Galicia.
O prazo para tomar posesión no novo destino obtido será de tres días hábiles se non implica cambio de residencia ou de sete días hábiles se comporta cambio de residencia. Cando o/a adxudicatario/a do posto obteña coa súa toma de posesión o reingreso ao servizo activo, o prazo será de vinte días hábiles.
Terceiro. A xefatura do centro en que cause baixa a persoa funcionaria, así como a daquel en que obteña praza, realizará dentro dos prazos sinalados no punto anterior, as dilixencias de cesamento e toma de posesión, das que se lle dará traslado, á Dirección Xeral da Función Pública.
Contra a presente orde, que esgota a vía administrativa, as persoas interesadas poderán interpoñer recurso potestativo de reposición perante o conselleiro de Cultura, Educación e Universidade, no prazo dun mes contado a partir do día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 29 de abril de 2021
Román Rodríguez González
Conselleiro de Cultura, Educación e Universidade
ANEXO
Apelidos e nome: María Elena Barca Ramos.
NRP: ****284535 A2060.
Subgrupo: A1.
Corpo ou escala: superior da Administración xeral da Comunidade Autónoma de Galicia.
Posto de traballo: vicesecretario/a xeral.
Código do posto: ED.201.00.001.15770.001.
Nivel: 30.
Centro directivo: Secretaría Xeral Técnica da Consellería de Cultura, Educación e Universidade.
Localidade: Santiago de Compostela.
Apelidos e nome: Francisco Javier Baltasar Fernández.
NRP: ****215257 A2060.
Subgrupo: A1.
Corpo ou escala: superior da Administración xeral da Comunidade Autónoma de Galicia.
Posto de traballo: subdirector/a xeral de Coordinación Económica e Contratación.
Código do posto: CU.201.00.002.15770.001.
Nivel: 30.
Centro directivo: Secretaría Xeral Técnica da Consellería de Cultura, Educación e Universidade.
Localidade: Santiago de Compostela.
Apelidos e nome: Mónica Santiso Lareo.
NRP: ****516368 A2060.
Subgrupo: A1.
Corpo ou escala: superior da Administración xeral da Comunidade Autónoma de Galicia.
Posto de traballo: subdirector/a xeral de Coordinación Administrativa e Réxime Xurídico.
Código do posto: CU.201.00.001.15770.001.
Nivel: 30.
Centro directivo: Secretaría Xeral Técnica da Consellería de Cultura, Educación e Universidade.
Localidade: Santiago de Compostela.
