DOG 83 do 4/05/2021 - ACORDO do 30 de marzo de 2021, da Xefatura Territorial de Lugo, polo que se someten a información pública a solicitude de autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción, o estudo de impacto ambiental e o proxecto sectorial de incidencia supramunicipal (proxecto de interese autonómico) do proxecto do parque eólico Monte do Cordal, no concello de Friol (Lugo) (expediente IN408A 2018/33).

VI. Anuncios

a) Administración autonómica

Vicepresidencia segunda e Consellería de Economía, Empresa e Innovación

ACORDO do 30 de marzo de 2021, da Xefatura Territorial de Lugo, polo que se someten a información pública a solicitude de autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción, o estudo de impacto ambiental e o proxecto sectorial de incidencia supramunicipal (proxecto de interese autonómico) do proxecto do parque eólico Monte do Cordal, no concello de Friol (Lugo) (expediente IN408A 2018/33).

En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental; na Lei 1/2021, do 8 de xaneiro, de ordenación do territorio de Galicia, e demais normas vixentes de aplicacións, sométese a información pública a solicitude relacionada coa instalación que se describe a continuación:

Solicitante/promotor: Greenalia Wind Power, S.L., NIF B70501473.

Domicilio social: praza María Pita, nº 10, 1º andar. 15001 A Coruña.

Denominación do proxecto: parque eólico Monte do Cordal.

Municipios afectados: concello de Friol (Lugo).

Potencia que se vai instalar: 12,6 MW.

Núm. aeroxeradores que se van instalar: 3×4,2 MW de potencia nominal unitaria.

Produción neta: 47.412 MWh/ano.

Prazo de execución: 5 meses.

Orzamento total (execución material): 10.663.908,91 €.

Localización (área de afección):

Vértice poligonal	Parque eólico Monte do Cordal (Friol)
	ETRS89 H29
	UTM-X	UTM-Y
1	578.165	4.764.044
2	588.847	4.762.128
3	589.134	4.761.786
4	589.726	4.761.786
5	591.422	4.763.599
6	590.626	4.766.782
7	588.785	4.765.863

Aeroxerador	Parque eólico Monte do Cordal (Friol)
	ETRS89 H29		Municipios
	UTM-X	UTM-Y	Municipios
AE 1	589.897	4.765.974	Friol
AE 2	590.150	4.765.701	Friol
AE 4	590.447	4.765.064	Friol

Centro de seccionamento e control	Parque eólico Monte do Cordal (Friol)
	ETRS89 H29
	UTM-X	UTM-Y
1	590.480	4.764.928

Características técnicas das instalacións:

• 3 aeroxeradores de 4,2 MW de potencia unitaria, con velocidade e paso variable, altura ata a buxa de 107 m e un diámetro de rotor de 150 m.

• 2 liñas de evacuación de la enerxía eléctrica dos xeradores en 30 kV con condutores tipo RHZ1 18/30 kV de 1×240 mm2 en sistema trifásico ata o centro de control do parque eólico.

• 1 centro de control do parque eólico en edificio prefabricado coas proteccións das diferentes liñas eléctricas e dos equipamentos de medida, protección e control do parque eólico.

• 1 liña de evacuación da enerxía do parque eólico desde o centro de control deste parque eólico ata a subestación prevista do parque eólico de Friol, formada por un circuíto de condutor tipo RHZ1 18/30 kV de 1×400 mm2 en sistema trifásico (a subestación do parque eólico de Friol non forma parte deste proxecto).

• As liñas de comunicación de fibra óptica indicadas no proxecto.

Ademais de todos os servizos e sistemas auxiliares indicados, como poden ser canalizacións subterráneas, sistemas de posta á terra, cimentacións, camiños de acceso, etc.

Obxecto da información pública:

A solicitude de autorización administrativa previa, a declaración de utilidade pública, en concreto, a autorización administrativa de construción, o estudo de impacto ambiental e o proxecto sectorial de incidencia supramunicipal (proxecto de interese autonómico) das instalacións. A declaración de utilidade pública, de acordo co artigo 56.1 da Lei 24/2013, do 26 de decembro, do sector eléctrico, levará implícita en todo caso a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei do 16 de decembro de 1954, de expropiación forzosa.

Documentación que se expón:

• O proxecto de execución (febreiro 20-visado o 23.11.2020).

• A relación concreta e individualizada dos propietarios de bens e dereitos afectados (RBDA-febreiro 20-asinada 27.2.2020), que figura no anexo a este acordo.

• Planos individuais dos predios afectados (outubro 2020).

• O estudo de impacto ambiental (EIA) (febreiro 20-asinado 25.11.2020).

• O proxecto sectorial de incidencia supramunicipal (proxecto de interese autonómico) (febreiro 20-visado o 23.11.2020).

O que se fai público, de conformidade co artigo 33 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental (modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia), para o coñecemento xeral, así como, en particular, dos propietarios dos predios que figuran nas relacións anexas a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, de ser o caso, presentar as alegacións ou observacións que consideren oportunas dentro do prazo de trinta (30) días, que se contarán a partir do día seguinte ao da última publicación deste acordo.

A documentación estará á disposición dos interesados nas dependencias da Sección de Enerxía desta Xefatura Territorial de Lugo da Vicepresidencia Segunda e Consellería de Economía, Empresa e Innovación (rolda da Muralla, núm. 70, baixo 2º, 27071 Lugo, das 9.00 ás 14.00 horas, de luns a venres, con cita previa no correo electrónico enerxia.lugo@xunta.gal ou nos teléfonos 982 29 46 51 e 982 29 48 04), así como no Concello de Friol (Lugo). Ademais, tamén se poderá consultar no portal web da Vicepresidencia Segunda e Consellería de Economía, Empresa e Innovación a través da seguinte ligazón:

https://ceei.xunta.gal/transparencia/parque-eolico/monte-do-cordal

O estudo de impacto ambiental estará tamén dispoñible, durante o mesmo prazo, nas dependencias da Xefatura Territorial de Lugo da Consellería de Medio Ambiente, Territorio e Vivenda.

Lugo, 30 de marzo de 2021

Gustavo J. Casasola de Cabo
Xefe territorial de Lugo

ANEXO

Relación de bens e dereitos afectados polo parque eólico Monte do Cordal (IN408A 2018/33)
no concello de Friol (Lugo)

Predio	Titular(es)	Datos catastrais		Lugar	Uso	Nº aero	Afeccións (m2)						Ocup. temp
Predio	Titular(es)	Datos catastrais		Lugar	Uso	Nº aero	Pleno dominio			Serv. paso		Serv. voo	Ocup. temp
Pol.	Parc.	Cim.	Plat.	Centro secc.	T. met.	Vieiro	Gabia					Serv. voo
Concello de Friol
1	MVMC de Silvela exp. 40/75	145	8	Cortiña	MM piñeiral madeireiro	AE 1	2	355		1.579	782	7.808
2	MVMC de Silvela exp. 40/75	144	37	Picha	MM piñeiral madeireiro	AE 1	433	2.504		1.662	691	2.846
3	MVMC de Silvela exp. 40/75	144	36	Picha	MM piñeiral madeireiro	AE 1		4.373		2.202	687	1.288	1.114
4	MVMC de Silvela exp. 40/75	144	52	Picha	MM piñeiral madeireiro	AE 2				1.525	358	3.799
5	MVMC de Silvela exp. 40/75	144	29	Picha	MM piñeiral madeireiro	AE 2	475	8.380		884	212	6.970	285
6	MVMC de Silvela exp. 40/75	144	30	Picha	MM piñeiral madeireiro						82
7	Simón Ascariz, Felisa	144	27	Picheira	PD prados ou pradarías					61	345
8	Baamonde Ferro, Redosinda	144	81	Arriba da Chousa	MT matogueira					74	374
9	Peteiro Sánchez, Perfecto	144	57	Arriba da Devesa	MT matogueira					202
10	MVMC de Silvela exp. 40/75	144	56	Picha	MT matogueira					494
11	Peteiro Sanchez, Perfecto	144	31	Arriba da Chousa	MT matogueira					791	1.268
12	MVMC de Silvela exp. 40/75	370	258	Monte	MT matogueira MM piñeiral madeireiro	AE 4	450	3.802		535	930	2.406
13	MVMC de Silvela Exp 40/75	370	257	Monte	MM piñeiral madeireiro	AE 4		2577		412		1.929
14	MVMC de Silvela exp. 40/75	370	259	Monte	MM piñeiral madeireiro	AE 4		26	84		1.217	2.610
15	MVMC de Silvela exp. 40/75	370	260	Monte	MT matogueira MM piñeiral madeireiro C labor ou labradío secaño I improdutivo	AE 4		1			48	4.545
16	Fernández Ferro, Gerardo	370	157	Uceira	MT matogueira PR prado ou pradarías de regadío						496
17	Pérez Barreiro, Aurelio	370	263	Monte Tras Ouceira	MT matogueira						314
18	MVMC de Silvela exp. 40/75	370	172	Monte	MM piñeiral madeireiro I improdutivo						455
19	Monte comunal de Silvela (Santa María)	370	173	Monte	FG carballeira						37
20	Cabo Ferro, Ángela (hros. de)	370	160	Uceira	MT matogueira						3
21	Ferro Penas, Manuel (hros. de)	370	159	Uceira	MT matogueira						1
22	Pérez Barreiro, Aurelio	370	134	Carballeira	MT matogueira						978
23	Bello Castro, Eladio Cabado Pérez, María Carmen	370	76	Aira	PD prados ou pradarías MM piñeiral madeireiro						83
24	Roca Tizón, María Soledad Santos Roca, Verónica Santos Roca, Alberto	501	15	Marcela - Silvela	C labor ou labradío secaño PD prados ou pradarías E pasteiros						732
25	Ascariz Vázquez, José Carlos Ascariz Garea, José Ramón Vázquez Prado, María Eva	369	74	Mondón	MT matogueira PD prados ou pradarías PR prados ou pradarías de regadío						1.613
26	Comunal de Veciños de Silvela	368	227	Tras a Casa	MM piñeiral madeireiro						67
27	Montecelo Fernández, Celsa	368	229	Picha	PD prados ou pradarías						177
28	Blanco Barba, Higinio	368	88	Rega	MM piñeiral madeireiro						237
29	Fuciños Rivas, Julio Serafín	368	90	Mondón	MM piñeiral madeireiro						239
30	Fuciños Rivas, Julio Serafín	368	91	Rega	MM piñeiral madeireiro MT matogueira						423
31	Gil Moreno, María Manuela Ferro Gil, Jesús	368	32	Picha Cotón	PD prados ou pradarías						163
32	Baamonde Ferro, Jesús (hros. de)	368	31	Cotón	MT matogueira						48
33	López Lorenzo, Manuel	368	30	Cotón	PD prados ou pradarías						197
34	Ferro Penas, Manuel (hros. de)	368	29	Cotón	PD prados ou pradarías						9
35	Cabo Cabado, Josefa	368	20	Monte Revolta	MT matogueira						17
36	Fuciños Rivas, Manuel Fernando Fuciños Rivas, Julio Serafín	368	170	Rego Traveso	MT matogueira						234
37	Penas Penas, José Luis	368	108	Casa Vella	MT Matogueira PD Prados ou pradarías I Improdutivo						241
38	Monte veciñal en man común de Carballo	368	6	Monte Silvela	MT matogueira PD prados ou pradarías I improdutivo						4.082
39	Sánchez Zas, Delfín	368	145	Revoltón	MT matogueira PD prados ou pradarías						13

Afeccións en metros cadrados (m2):

• Superficie de pleno dominio:

– Cimentación (Cim.): cimentación do aeroxerador.

– Plataforma (Plat.): plataforma de montaxe do aeroxerador.

– Subestación (Sub.): subestación eléctrica.

– Torre meteorolóxica (T. met.): plataforma da torre meteorolóxica.

• Servidume de paso:

– Vieiro: dereito de paso polos vieiros en que circularán os transportes para a construción, vixilancia, conservación e reparación das instalacións do parque eólico.

– Gabia: servidume de paso da liña eléctrica soterrada.

• Servidume de voo das pas dos aeroxeradores (Serv. voo).

• Outras afeccións:

– Ocupación temporal (Ocup. temp.): ocupación de terreos durante o período de duración das obras. Serve temporalmente como amoreamento de materiais, montaxe de guindastres, amoreamento de pas e outros compoñentes dos aeroxeradores, etc.