– Actividade. Encargar á S.A. de Xestión do Plan Xacobeo a xestión do inmoble sito no número 5 da rúa da Ribeira do Berbés e número 9 da rúa Peñasco, da cidade de Vigo para destinalo a albergue de peregrinos, incluíndoo na Rede de albergues públicos da Comunidade Autónoma de Galicia, polo tempo que se manteña a cesión do uso a título gratuíto a favor da Axencia Turismo de Galicia.
– Natureza e alcance da xestión encomendada. Esta encomenda ten natureza intersubxectiva ao ter a S.A. de Xestión do Plan Xacobeo a consideración de medio propio e servizo técnico da Administración xeral da Comunidade Autónoma de Galicia e das entidades instrumentais do sector público autonómico que teñan a consideración de medios propios aos efectos previstos na Lei 16/2010, do 17 de decembro, de organización e funcionamento da Administración xeral e do sector público autonómico de Galicia, e na lexislación de contratos do sector público, segundo os seus estatutos.
– Prazo de vixencia. A encomenda terá a mesma duración que a cesión do dereito de uso do citado inmoble polo Consorcio Casco Vello de Vigo á Axencia Turismo de Galicia.
Santiago de Compostela, 21 de abril de 2021
Mª Nava Castro Domínguez
Directora de Turismo de Galicia