De conformidade co establecido no Decreto 206/2005, do 22 de xullo (DOG nº 145, do 29 de xullo) de provisión de prazas de persoal estatutario do Servizo Galego de Saúde, e no Pacto sobre selección de persoal estatutario temporal do Sistema público de saúde de Galicia (DOG nº 123, do 30 de xuño de 2016), e no uso das atribucións conferidas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG nº 204, do 25 de outubro), o xerente da Área Sanitaria de Pontevedra e O Salnés,
RESOLVE:
Primeiro. Anunciar a convocatoria para cubrir varios postos de persoal licenciado sanitario facultativos especialistas de área, que se relacionan no anexo.
Segundo. As retribucións dos postos ofertados serán as que correspondan de acordo coa orde anual pola que se ditan instrucións, sobre a confección de nóminas do persoal ao servizo da Administración autonómica.
Terceiro. As solicitudes para participar nesta convocatoria presentaranse, preferentemente, no Rexistro de Entrada da Área Sanitaria de Pontevedra e O Salnés, sito na rúa Loureiro Crespo, nº 2, Pontevedra, ou a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles, contados a partir do día seguinte ao da publicación deste anuncio no Diario Oficial de Galicia.
Cuarto. As bases íntegras da convocatoria estarán expostas nos taboleiros de anuncios de Dirección e na intranet da Área Sanitaria de Pontevedra e O Salnés, así como na páxina web do Servizo Galego de Saúde (www.sergas.es).
Pontevedra, 12 de abril de 2021
José Ramón Gómez Fernández
Xerente Área Sanitaria de Pontevedra e O Sálnes
ANEXO
Especialidade |
Grupo |
Prazas |
Centro |
Titulación |
Condicións/requisitos |
Cirurxía Xeral e do Aparello Dixestivo (Cirurxía Bariátrica) |
A1 |
1 Interinidade en praza vacante. |
Área Sanitaria de Pontevedra e O Salnés |
Título oficial da especialidade de Cirurxía Xeral e do Aparello Dixestivo |
Require certificado de servizos prestados como F.E.A. por período mínimo de 2 anos nos últimos 10, en unidades de Cirurxía Bariátrica e acreditación da Sociedade de Cirurxía de formación en Cirurxía Bariátrica |
Cirurxía Xeral e do Aparello Dixestivo (Cirurxía Hepato-Bilio-Pancreática) |
A1 |
1 Interinidade en praza vacante. |
Área Sanitaria de Pontevedra e O Salnés |
Título oficial da especialidade de Cirurxía Xeral e do Aparello Dixestivo |
Require certificado de servizos prestados como F.E.A. por período mínimo de 2 anos nos últimos 10, en unidades de Cirurxía Hepato-Bilio-Pancreática e acreditación da Sociedade de Cirurxía de formación en Cirurxía Hepato-Bilio-Pancreática |