Eu, Benita María Gándara Valije, letrada da Administración de xustiza do Xulgado de Primeira Instancia e Instrución número 3 de Vilagarcía de Arousa, fago saber que no presente procedemento XVB 166/2018, seguido por instancia de Jesusa María Porto Torres fronte a Óscar Fabián Osorio González, se ditou sentenza, cuxo encabezamento e parte dispositiva son do teor literal seguinte:
Sentenza nº 30/20.
Vilagarcía de Arousa, 12 de marzo de 2020.
Vistos por Noemí González Camba, xuíza do Xulgado de Primeira Instancia e Instrución número 3 de Vilagarcía de Arousa, os autos de xuízo verbal 166/2018 sobre reclamación de cantidade, promovidos por Jesusa María Porto Torres, representada pola procuradora Marta Díaz Amor e asistida polo letrado Juan Antonio Armenteros Cuetos, fronte a Óscar Fabián Osorio González, en situación de rebeldía procesual, dita a presente resolución.
Fallo:
Estímase a demanda interposta pola representación de Jesusa María Porto Torres fronte a Óscar Fabián Osorio González e condénase a este a que lle aboe á demandante a cantidade de 7.962,43 euros, máis os xuros legais desde a interposición da demanda. A partir do ditado da presente resolución devindicarase o xuro procesual do artigo 576 LAC.
Condénase o demandado ao pagamento das custas causadas nesta instancia.
Notifíquese a presente resolución ás partes e fágaselles saber que fronte a ela cabe formular recurso de apelación no prazo de 20 días desde o seguinte ao da notificación, conforme os artigos 455 e seguintes da LAC.
Así, por esta sentenza, da que se expedirá testemuño para a súa unión aos autos, pronúncioo, mándoo e asínoo.
E ao estar o devandito demandado, Óscar Fabián Osorio González, en paradoiro descoñecido, expídese o presente edicto co fin de que lle sirva de notificación en forma.
Vilagarcía de Arousa, 26 de outubro de 2020
A letrada da Administración de xustiza