O Xurado Provincial de Clasificación de Montes Veciñais en Man Común de Pontevedra, na sesión que tivo lugar o día 10 de agosto de 2020 acordou iniciar os trámites para a clasificación como veciñal en man común do seguinte monte:
Concello: Redondela.
Parroquia: Vilar de Infesta.
Nome do monte: Casa Cultural Vilar de Infesta.
Cabida: 3.411 m2 (superficie alegada na solicitude).
Referencias catastrais: parte das parcelas catastrais seguintes: 1966709NG3716N, 36045A05400222, 36045A05400219, 1867802NG3716N, 000706200NG37E.
Estremas:
Norte: estrada da Igrexa.
Sur: estrada de Redondela ao aeroporto de Peinador.
Leste: Perfecto Blanco Martínez, herdeiros de Manuel Alonso Martínez e Dolores Figueroa.
Oeste: rúa Párroco Don Luis.
O que se pon en coñecemento de todas as persoas interesadas, indicándolles que se abre un período dun mes para que poidan examinar o expediente e efectuar as alegacións que coiden convenientes, así como achegar os documentos ou informacións que xulguen oportunas, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.
Pontevedra, 5 de marzo de 2021
Xosé Carlos Morgade Martínez
Instrutor