Visto o expediente instruído para efectos de transmisión da concesión administrativa e da batea Jal IV, resulta:
a) Antecedentes:
Primeiro. O 17 de febreiro de 2021, María Consuelo Oliveira Places solicitou autorización para a transmisión mortis causa, mediante pacto de mellora, da concesión administrativa e da batea Jal IV.
Segundo. O informe da Dirección Xeral de Pesca, Acuicultura e Innovación Tecnolóxica sobre a tramitación do expediente é favorable.
b) Consideracións legais e técnicas:
Primeira. Este órgano é competente para resolver o expediente consonte a Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e a Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.
Segunda. A Lei 2/2006, do 14 xuño, de dereito civil de Galicia (DOG número 124, do 29 de xuño), no seu artigo 209 e seguintes regula os pactos sucesorios como negocios mortis causa e coa forma de pactos de apartación ou pactos de mellora.
Terceira. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde de 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).
Por todo o anterior, resolvo:
Autorizar a transmisión mortis causa, mediante pacto de mellora, a favor de Luis Piñeiro Oliveira (***8147**), da concesión administrativa e da batea que se indica a continuación:
Identificación:
Tipo: batea.
Nome: Jal IV.
Localización:
Cuadrícula nº: 25.
Polígono: C.
Distrito: Caramiñal (A Coruña).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 11.3.1964.
Remate da vixencia: 15.12.2029.
Actuais titulares: María Consuelo Oliveira Places (***4767**) e María Josefa Oliveira Places (***8595**).
Novos titulares: María Josefa Oliveira Places (***8595**) e Luis Piñeiro Oliveira (***8147**).
Os novos titulares da concesión quedan subrogados nos dereitos e obrigas das anteriores titulares.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes, ante a conselleira do Mar, ou recurso contencioso-administrativo, ante a xurisdición contencioso-administrativa, que se interporá no prazo de dous meses de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.
A Coruña, 5 de marzo de 2021
A conselleira do Mar
P.D. (Orde do 8.9.2017)
María José Cancelo Baquero
Xefa territorial da Coruña