Notifícaselle á persoa interesada, de conformidade co establecido no artigo 44 da Lei 39/2015, do 1 de outubro, do procedemento administrativo común das administracións públicas, a resolución do expediente sancionador que a seguir se relaciona, anexo I, ao ser devoltas polo servizo de Correos as notificacións enviadas no seu día.

Contra a resolución do expediente de referencia, que non pon fin á vía administrativa, a persoa interesada poderá interpor recurso de alzada ante a Dirección Xeral de Relacións Laborais da Consellería de Emprego e Igualdade (San Lázaro, s/n, 15781 Santiago de Compostela) a partir do día seguinte ao da súa notificación, de conformidade co disposto nos artigos 121 e 122 da Lei 39/2015, do 1 de outubro, e artigo 23 do Real decreto 928/1998, do 14 de maio (BOE do 3 de xuño) do Regulamento xeral sobre procedemento para a imposición de sancións por infraccións na orde social. O recurso interporase ante o órgano que ditou o acto ou ante o competente para resolvelo.

Transcorrido o prazo de interposición do recurso sen que este se presente, esta resolución será firme para todos os efectos.

Para o coñecemento do texto íntegro do acto que se notifica, a persoa interesada poderá comparecer, no prazo máximo de 10 días hábiles, contados desde o seguinte ao da publicación deste anuncio, ante o Servizo de Emprego e Economía Social desta xefatura territorial, sita na avda. da Habana, 79, 7º, de Ourense.

Ourense, 10 de marzo de 2021

Yago Borrajo Sánchez
Xefe territorial de Ourense

ANEXO

Nº expte.	Nº acta infracción	NIF/CIF	Último domicilio coñecido	Data da resolución	Importe sanción
28/2021	I322020000034947	B32479727	R/ Abdón Blanco, 10, baixo 32300 O Barco de Valdeorras (Ourense)	1.3.2021	626,00 €