Para os efectos de coñecemento dos interesados, ao resultaren infrutuosos os intentos de notificación e en virtude do disposto no artigo 44 da Lei 39/2015, do 1 de outubro, do procedemento administrativo común das administracións públicas, mediante este anuncio notificase ás persoas sinaladas no anexo o pagamento de depósitos previos e formalización de actas de ocupación do expediente expropiatorio polas obras do Proxecto de construción do itinerario peonil e ciclista na PO-531. Treito Devesa-Bretoña. Puntos quilométricos 6+200-10+250, de clave PO/16/261.06, que terá lugar no Pazo da Cultura de Pontevedra o día 23 de marzo de 2021.

Ao acto deberán comparecer as persoas propietarias ou titulares de dereitos sobre bens afectados, por si mesmas ou representados por persoa debidamente autorizada, exhibindo o seu DNI/NIF, así como os documentos que acrediten a titularidade que invocan.

As persoas poden tomar vista do expediente no Servizo Provincial de Pontevedra sito na avenida Mª Victoria Moreno, 43, 1º (Pontevedra), en horario das 9.00 ás 14.00 horas.

A eficacia desta notificación queda supeditada á súa publicación no taboleiro de edictos único (TEU) do Boletín Oficial del Estado (BOE).

Pontevedra, 12 de marzo de 2021

Manuel Ángel González Juanatey
Xefe do Servizo Provincial de Pontevedra

ANEXO

Predio	Ref. catastral	Persoa interesada	Data	Hora
1	36900A18900244	Lorenzo Piedra, María	23.3.2021	10.00
11	36900A18800207	Oujo Pintos, María del Mar	23.3.2021	10.50
12 17	36900A18800309 36900A18800317	Tilve Blanco, Severino	23.3.2021	11.00
18	36900A18800318	Blanco Lores, Eligio	23.3.2021	11.50
21-A	36900A18800329	Fernández Araujo, Víctor Manuel	23.3.2021	12.10