Con data do 9 de marzo de 2021, o Pleno do Concello da Veiga aprobou inicialmente o expediente do Plan especial de infraestruturas e dotacións para a construción do Centro de Iniciativas Municipais da Veiga (CIMA), na rúa A Louseira nº 4 da Veiga.

En virtude do disposto no artigo 75 da Lei 2/2016, do 10 de febreiro, do solo de Galicia, e no artigo 186 do Decreto 143/2016, do 22 de setembro, polo que se aproba o regulamento da Lei 2/2016. O expediente de referencia queda sometido á información pública polo prazo de dous meses, contados a partir do día seguinte ao da publicación do presente anuncio no Diario Oficial de Galicia.

Durante o devandito prazo, as persoas interesadas poderán examinar o seu contido nas oficinas municipais situadas na praza do Concello nº 1, de luns a venres, das 9.00 ás 14.00 horas, e presentar as alegacións que estimen pertinentes.

O contido integro do plan especial pódese consultar no seguinte enderezo electrónico http://aveiga.sedelectronica.gal/info

A Veiga, 10 de marzo de 2021

Juan Anta Rodríguez
Alcalde