O artigo 15.2 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Dar publicidade á relación dos convenios subscritos pola Consellería de Emprego e Igualdade nos meses de setembro a decembro do ano 2020, que se incorpora como anexo a esta resolución.
Santiago de Compostela,1 de marzo de 2021
José Ramón Pardo Cabarcos
Secretario xeral técnico da Consellería de Emprego e Igualdade
ANEXO
Convenios de colaboración subscritos pola Consellería de Emprego e Igualdade
nos meses de setembro, outubro, novembro e decembro do ano 2020
Convenio |
Data de sinatura |
Importe total |
Acordo de colaboración entre a Consellería de Cultura, Educación e Universidade e a Consellería de Emprego e Igualdade para impartir programas formativos de formación profesional básica e programas específicos para a formación de persoas con necesidades formativas especiais ou que teñan dificultades para a súa inserción ou recualificación profesional |
21.9.2020 |
42.683,76 € |
Convenio específico de colaboración entre a Consellería de Emprego e Igualdade e o Consorcio para o Desenvolvemento de Aplicacións para a Xestión Universitaria (CIXUG) para a realización de formación universitaria para orientación laboral aberta para 2020. |
29.9.2020 |
140.000,00 € |
Convenio de colaboración entre a Consellería de Emprego e Igualdade e as organizacións sindicais (UGT-FICA, CC.OO.) e empresarial (Asime) no marco do proxecto FEAG-Empreganav |
17.12.2020 |
30.500,00 € |
Convenio de colaboración entre a Consellería de Emprego e Igualdade e a Deputación de Pontevedra para a acreditación da formación impartida pola Deputación de Pontevedra de dous cursos de competencias clave |
30.12.2020 |
---- |
Acordo de colaboración entre a Consellería de Cultura, Educación e Universidade e a Consellería de Emprego e Igualdade para a coordinación das ofertas de formación profesional nos centros que impartan ensinanzas de formación profesional da nosa comunidade autónoma |
30.12.2020 |
4.618.852,06 € |