No uso das facultades conferidas polo Decreto 79/2001, do 6 de abril, polo que se aproba o Regulamento da Axencia Galega de Desenvolvemento Rural,

DISPOÑO:

Primeiro. Anunciar a convocatoria para cubrir, polo sistema de libre designación, o posto de traballo que se indica no anexo I desta resolución.

Segundo. Poderá concorrer a ela o persoal laboral fixo da Axencia Galega de Desenvolvemento Rural (Agader) das categorías dos grupos profesionais I (titulación universitaria superior ou equivalente) e II (titulación universitaria de grao medio ou equivalente) do sistema de clasificación de postos da entidade, calquera que sexa a súa situación administrativa, agás os suspensos en firme.

Terceiro. As solicitudes para participar nesta convocatoria, que se dirixirán á Dirección Xeral de Agader, presentaranse no Rexistro Xeral de Agader ou na forma prevista no artigo 16 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), no prazo de quince (15) días, contados a partir do seguinte ao da publicación do anuncio desta convocatoria no Diario Oficial de Galicia, segundo o modelo que se inclúe como anexo II. De acordo co artigo 14.2, alínea e), da citada Lei 39/2015, a solicitude debe ser electrónica.

Cuarto. As persoas aspirantes deberán unirlle á petición un curriculum vitae e xustificar documentalmente os méritos que aleguen.

Quinto. O anuncio da convocatoria farase público no Diario Oficial de Galicia e a resolución desta no taboleiro de anuncios de Agader e na páxina web de Agader.

Sexto. O prazo de toma de posesión será de tres (3) días hábiles, de sete (7) días hábiles se comporta cambio de residencia ou de vinte (20) días hábiles se comporta o reingreso ao servizo activo, conforme o establecido no artigo 14 do Decreto 93/1991, do 20 de marzo, modificado polo Decreto 166/2013, do 14 de novembro.

O prazo de toma de posesión contarase a partir do día seguinte ao do cesamento, que se deberá producir dentro dos tres (3) días seguintes ao da publicación da resolución da convocatoria.

Sétimo. Contra esta resolución, que pon fin á vía administrativa, poderase interpoñer recurso potestativo de reposición, ante a Dirección Xeral de Agader, no prazo dun mes contado desde o día seguinte ao da súa publicación, de conformidade co establecido na Lei do procedemento administrativo común das administracións públicas (LPACAP), ou demanda, ante o xulgado do social competente, no prazo de dous meses contados a partir da mesma data, de acordo co disposto nos artigos 10 e 69 da Lei 36/2011, do 10 de outubro, reguladora da xurisdición social (BOE nº 245, do 11 de outubro).

Santiago de Compostela, 24 de febreiro de 2021

Inés Santé Riveira
Directora xeral da Axencia Galega de Desenvolvemento Rural

ANEXO I

Código do posto: AGDR 01 00 00.

Denominación do posto: secretario/a xeral.

Consellería: Medio Rural.

Dependencia: Axencia Galega de Desenvolvemento Rural.

Localidade: Santiago de Compostela.

Forma de provisión: libre designación.

Retribucións: as fixadas para o persoal directivo do grupo III, nivel 2.

ANEXO II

Modelo de solicitude para participar na convocatoria para a provisión, polo sistema de libre designación, do posto de secretario/a xeral, convocada mediante a Resolución da directora xeral do 24 de febreiro de 2021.

Datos do/da solicitante

DNI	Primeiro apelido	Segundo apelido	Nome

Enderezo, rúa e nº	Localidade	Código postal	Provincia

Teléfono	Correo electrónico

Destino actual

Grupo-Categoría	Código do posto	Dependencia

SOLICITO:

Ser admitido/a na convocatoria para prover o posto de traballo, polo sistema de libre designación, de secretario/a xeral, código de posto AGDR 01 00 00, anunciado mediante a Resolución do 24 de febreiro de 2021, ao considerar que reúno os requisitos exixidos para tomar parte nela.

Santiago de Compostela, ______ de ______________ de 2021