O Concello de Betanzos negociou e subscribiu o 6 e o 18 de novembro de 2020 os convenios urbanísticos entre este concello e as entidades:
– Bienes Inmuebles Corporativos Atlánticos 2008, S.L.U., con CIF B70193271, e Tojeiro Transportes, S.A., con CIF A15027824, propietarios únicos do SAUI-5 do Plan parcial de Piadela (Betanzos).
– Xunta de Compensación da Unidade de Execución 3 (UE-3) do SAUI-7 do Plan parcial de Piadela (Betanzos), con CIF V-70017405, inscrita no Rexistro de Entidades Urbanísticas Colaboradoras da Dirección Xeral de Urbanismo co número 4/06, domiciliada na estrada A Coruña-Tui, km 57, Santiago de Compostela (A Coruña).
– Xunta de Compensación da Unidade de Execución 2 (UE-2) do SAUI-7 do Plan parcial de Piadela (Betanzos), con CIF V-70001714, inscrita no Rexistro de Entidades Urbanísticas Colaboradoras da Dirección Xeral de Urbanismo col número 32/05, domiciliada na estrada A Coruña-Tui, km 57, Santiago de Compostela (A Coruña).
De conformidade co disposto no artigo 168 da Lei 2/2016, do 10 de febreiro, do solo de Galicia, en relación cos artigos 40.2 do regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro; 25.1 do texto refundido da Lei do solo e rehabilitación urbana, aprobado polo Real decreto lexislativo 7/2015, do 30 de outubro, e 83 da Lei 39/2015, do 1 de outubro, do procedemento administrativo común das administracións públicas, sométese á información pública durante o prazo dun mes contado desde a publicación do presente anuncio no Diario Oficial de Galicia e nun periódico de gran difusión en Galicia.
Durante o dito prazo, o texto inicial dos convenios urbanísticos e o expediente poderá ser examinados por calquera interesado nas oficinas da Área de Urbanismo deste concello, de luns a venres, das 9.00 ás 14.00 horas, logo de cita, para que se formulen as alegacións que consideren pertinentes. Así mesmo, estará á disposición dos interesados na sede electrónica deste concello, no enderezo https://sede.betanzos.gal
Betanzos, 29 de decembro de 2020
María Barral Varela
Alcaldesa