A Xunta de Goberno Local, tras os trámites e informes preceptivos de conformidade coa tramitación regulamentaria, en sesión extraordinaria e urxente celebrada por medios telemáticos o venres 5 de febreiro de 2021, aprobou inicialmente o estudo de detalle da zona M da modificación núm. 1 do proxecto sectorial do parque de actividades económicas de Arteixo.
No certificado de XGL figuran os seguintes acordos:
Primeiro. Aprobar inicialmente o proxecto de estudo de detalle preparado por encargo de Hijos de Rivera, S.A.U. pola consultora IDOM Consulting, Engineering, Architecture S.A.U., redactado polos arquitectos José Manuel Regueiro Grela e Matilde Álvarez Rodríguez de febreiro 2021 con rexistro de entrada 4/02/21 (811).
Segundo. Abrir un período de información pública por un prazo dun mes desde a publicación do anuncio da aprobación inicial no Diario Oficial de Galicia e nun dos xornais de maior difusión na provincia. Durante o período de información pública, poderá examinar o estudo de detalle calquera persoa e formular as alegacións que procedan.
Así mesmo, estará á disposición na sede electrónica deste concello.
Terceiro. Notificar individualmente a todas as persoas titulares catastrais dos terreos afectados e outorgarlles un período de audiencia dun mes.
Cuarto. Suspender o outorgamento das licenzas nas áreas afectadas pola aprobación do estudo de detalle, e que é a determinada pola parcela con referencia catastral 1745701NH4914N0000 ZK que están incluídos no ámbito da zona M da modificación nº 1 do proxecto sectorial do parque de actividades económicas de Arteixo.
A duración da suspensión é de duración máxima de dous anos, contados desde a devandita aprobación inicial, e extínguese, en calquera caso, coa aprobación definitiva do plan.
Quinto. Solicitar os informes sectoriais preceptivos que sexan pertinentes segundo a lexislación sectorial.
Arteixo, 11 de febreiro de 2021
O alcalde
P.D. (Resolución 1546/2020, do 10 de xullo,
modificada pola Resolución 3056/2020, do 18 de decembro)
Luis Alberto Castro Calvete
Concelleiro delegado da Área de Urbanismo e Patrimonio