Publícase este anuncio para a concorrencia no procedemento de concesión de permisos para a actividade de escolas de surf e similares en zonas de dominio público marítimo-terrestre nas praias do concello de Valdoviño na tempada 2021.
Mediante o acordo do Pleno do Concello de Valdoviño, en sesión do día 4 de febreiro de 2021, apróbanse as bases das condicións económico-administrativas para a adxudicación dos permisos para a actividade de escolas de surf e similares nas praias do concello de Valdoviño para a tempada 2021.
As bases íntegras publicaranse no taboleiro de anuncios do concello e na web municipal.
Prazo de presentación de solicitudes: poderán presentarse no prazo de dez días naturais contados desde o día seguinte á data deste anuncio no Diario Oficial de Galicia.
Valdoviño, 9 de febreiro de 2021
Alberto González Fernández
Alcalde