De conformidade co disposto nos artigos 42.2 e 44 da Lei 39/2015, do 1 de outubro, do procedemento administrativo común das administracións públicas, emprázanse, por medio do presente anuncio, publicado no Boletín Oficial del Estado (BOE), os propietarios da zona de concentración parcelaria de Vizoño-Vilacoba (Abegondo-A Coruña) que figuran no anexo, para seren notificados dun trámite de audiencia dunha proposta de modificación do acordo de concentración da dita zona que os afecta.

Así mesmo, este anuncio publicarase no Diario Oficial de Galicia (DOG), ben que a eficacia do acto notificado quedará supeditada á súa publicación no BOE.

Para coñecer o contido íntegro do acto que se notifica, os interesados poderán comparecer nas dependencias desta xefatura territorial, sita na rúa Vicente Ferrer, nº 2, no Edificio Administrativo de Servizos Múltiples de Monelos, na Coruña, mediante cita previa no teléfono 981 18 46 43, das 9.00 ás 14.00 horas, de luns a venres.

A comparecencia deberase efectuar no prazo de quince (15) días, contados desde o seguinte ao da publicación deste anuncio no BOE.

Transcorrido o devandito prazo sen efectuarse a comparecencia, a notificación entenderase producida dende o día seguinte ao da publicación.

A Coruña, 29 de xaneiro de 2021

Mónica López López
Xefa territorial da Coruña

ANEXO

Interesados	Acto notificado	Zona de concentración
00574817R	Trámite de audiencia	Vizoño-Vilacoba (Abegondo-A Coruña)
32293381R	Trámite de audiencia	Vizoño-Vilacoba (Abegondo-A Coruña)
32291468C	Trámite de audiencia	Vizoño-Vilacoba (Abegondo-A Coruña)
32748147B	Trámite de audiencia	Vizoño-Vilacoba (Abegondo-A Coruña)
42095654L	Trámite de audiencia	Vizoño-Vilacoba (Abegondo-A Coruña)