En virtude do establecido nos artigos 4.13º e 34.2º da Lei 1/1983, do 22 de febreiro, de normas reguladoras da Xunta e da súa presidencia, e nos artigos 28 e 31 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, e unha vez presentada o pasado 5 de febreiro a renuncia expresa da titular do posto de delegada territorial de Xunta de Galicia en Pontevedra, por proposta do vicepresidente primeiro e conselleiro de Presidencia, Xustiza e Turismo, e logo de deliberación do Consello da Xunta de Galicia na súa reunión do día once de febreiro de dous mil vinte e un,

DISPOÑO:

Que cese, por petición propia, María Luisa Piñeiro Arcos, como delegada territorial da Xunta de Galicia en Pontevedra, agradecéndolle os servizos prestados.

O cesamento terá efectos do día 5 de febreiro de 2021.

Santiago de Compostela, once de febreiro de dous mil vinte e un

Alberto Núñez Feijóo
Presidente

Alfonso Rueda Valenzuela
Vicepresidente primeiro e conselleiro de Presidencia, Xustiza e Turismo