En sesión que tivo lugar o 18 de xaneiro de 2021, o tribunal nomeado pola Orde do 27 de maio de 2019 (DOG núm. 107, do 7 de xuño) para cualificar o proceso selectivo para o ingreso no corpo facultativo de grao medio da Administración especial da Administración xeral da Comunidade Autónoma de Galicia, subgrupo A2, escala de subinspección urbanística, convocado pola Orde do 1 de marzo de 2018 (DOG núm. 47, do 7 de marzo), modificada pola Orde do 13 de marzo de 2018 (DOG núm. 59, do 23 de marzo), acordou, de conformidade co disposto nas bases da convocatoria:
Primeiro. Publicar, como anexo a esta resolución, a relación de aspirantes que superaron o proceso selectivo, por orde de puntuacións obtidas e con indicación do seu documento nacional de identidade.
De conformidade co establecido na base IV.2 da orde de convocatoria e na Lei 39/2015, do 1 de outubro, do procedemento administrativo común das administracións públicas, as persoas aspirantes dispoñen dun prazo de vinte (20) días hábiles, contados a partir do seguinte ao da publicación desta resolución no DOG, para presentar a documentación prevista na dita base.
Segundo. Elevar a dita relación ao titular da Dirección Xeral da Función Pública para que elabore a proposta de nomeamento como persoal funcionario de carreira das persoas aspirantes que figuran nela.
Terceiro. De conformidade co disposto na base III.13 da convocatoria, contra esta resolución poderase interpoñer recurso de alzada ante o conselleiro competente en materia de función pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 18 de xaneiro de 2021
Beatriz Díaz Rodríguez
Presidenta do tribunal
ANEXO
Proceso selectivo para o ingreso no corpo facultativo de grao medio da Administración especial da Administración xeral da Comunidade Autónoma de Galicia, subgrupo A2, escala de subinspección urbanística, convocado pola Orde do 1 de marzo de 2018, modificada pola Orde do 13 de marzo de 2018
Orde |
DNI |
Nome e apelidos |
Primeiro exercicio |
Segundo exercicio |
Terceiro exercicio |
Cuarto exercicio |
Total |
1 |
***5263** |
Santamaría Vázquez, Susana |
27,11 |
31,76 |
16,66 |
Exenta |
75,53 |
2 |
***2261** |
García Seisdedos, Eduardo Pablo |
26,96 |
32,15 |
14,33 |
Exento |
73,44 |
3 |
***6373** |
Ferreiroa González, José Manuel |
25,33 |
29,01 |
16 |
Exento |
70,34 |