Na Sala do Contencioso-Administrativo, Sección Primeira, do Tribunal Superior de Xustiza de Galicia, tramítase o recurso 24/2020 (procedemento ordinario), de Diego Outón Martínez, interposto contra a Resolución do 1 de febreiro de 2019, da Dirección Xeral de Recursos Humanos, relativa á publicación do modelo definitivo de respostas dos distintos exercicios e as puntuacións provisionais da fase de oposición do proceso selectivo para o ingreso na categoría de enxeñeiro/a técnico/a (DOG núm. 29, do 11 de febreiro), convocado pola Resolución do 1 de marzo de 2018 (DOG núm. 51, do 13 de marzo), que tamén se impugna.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado tribunal, no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 22 de decembro de 2020

Ana Mª Comesaña Álvarez
Directora xeral de Recursos Humanos