De conformidade co disposto no artigo 15.1 da Lei 9/2007, do 13 de xuño, de subvencións de Galicia, e no artigo 17.1 da Lei 1/2016, do 18 de xaneiro, de transparencia e bo goberno, publícanse as subvencións concedidas ao abeiro da Resolución do 7 de maio de 2020, da Secretaría Xeral da Igualdade, con expresión da convocatoria, programa e crédito orzamentario, entidade beneficiaria, contía e finalidade.
Mediante a Resolución do 7 de maio de 2020, da Secretaría Xeral da Igualdade, establecéronse as bases reguladoras e a convocatoria para o ano 2020 das axudas dirixidas ás asociacións de mulleres e ás súas federacións, co obxecto de fomentar o asociacionismo e a participación das mulleres.
Finalidade da axuda: fortalecer e consolidar o movemento asociativo e potenciar a participación social e a calidade de vida das mulleres galegas a través das seguintes liñas:
a) Liña 1: consolidación do movemento asociativo, destinada a compensar gastos correntes que orixinen o mantemento e funcionamento das asociacións de mulleres e as súas federacións.
b) Liña 2: promoción de actuacións e actividades singularizadas en materia de igualdade, de prevención da violencia de xénero e de acompañamento das vítimas, con especial incidencia nas mulleres rurais, mulleres maiores e/ou mulleres en situación de vulnerabilidade, no marco do Pacto de Estado contra a violencia de xénero.
Crédito orzamentario: para financiar as axudas previstas nesta convocatoria destínase un importe total de douscentos trinta mil euros (230.000 €), coa seguinte desagregación: oitenta mil euros (80.000 €) correspondentes á liña 1, que se imputan á aplicación orzamentaria 05.11.313B.480.0, código de proxecto 2016 00020, e cento cincuenta mil euros (150.000 €) correspondentes á liña 2, que se imputan á aplicación orzamentaria 05.11.313D.480.2, código do proxecto 2018 00112, do orzamento vixente deste departamento.
As entidades beneficiarias da subvención, así como o importe concedido a cada unha delas, reflíctense no anexo desta resolución.
Santiago de Compostela, 22 de decembro de 2020
José Ramón Pardo Cabarcos
Secretario xeral técnico da Consellería de Emprego e Igualdade
ANEXO
Axudas destinadas a fomentar o asociacionismo e a participación
das mulleres (SI437A)
Subvencións concedidas ao abeiro da convocatoria de 2020
|
CIF |
Entidade beneficiaria |
Liña |
Importe concedido |
|
G27482280 |
Asociación de axuda á integración social Con.ti.go |
Liña 1 |
3.000,00 € |
|
G27212281 |
Amuraxe |
Liña 1 |
2.250,00 € |
|
G27179134 |
Asociación de mulleres rurais Agarimo de Santaballa |
Liña 1 |
962,34 € |
|
G27130103 |
Asociación de viúvas Carmiña Prieto Rouco |
Liña 1 |
509,09 € |
|
Total liña 1 |
6.721,43 € |
||
|
G27441153 |
Mujeres en Igualdad de Burela (Bumei) |
Liña 2 |
5.000,00 € |
|
G27468917 |
Mujeres en Igualdad de Cervo (Cermei) |
Liña 2 |
5.000,00 € |
|
G27359702 |
Observatorio da Mariña pola Igualdade |
Liña 2 |
3.574,07 € |
|
G27207117 |
Asociación familiar de amas de casa de Ribadeo |
Liña 2 |
4.925,00 € |
|
G27166362 |
Asociación As Anguieiras |
Liña 2 |
444,00 € |
|
Total liña 2 |
18.943,07 € |
||
