En virtude do disposto nos artigos 42, 44 e 46 da Lei 39/2015, do 1 de outubro, do procedemento administrativo común das administracións públicas, intentada a notificación das resolucións ditadas pola xefa territorial no último domicilio das persoas interesadas sen que esta se puidese practicar, por causa non imputable á Administración, a través deste edicto notifícanse as ditas resolucións ás persoas citadas nos anexos emprazándoas para que no prazo de dez (10) días, contados desde o día seguinte á data da súa publicación no Boletín Oficial del Estado, comparezan persoalmente ou debidamente representadas na Xefatura Territorial da Coruña da Consellería de Política Social, no Servizo de Prestacións, Inclusión e Inmigración (avenida Salvador de Madariaga , nº 9, andar 1º, A Coruña), das 9.00 ás 14.00 horas, para ter coñecemento do contido íntegro das resolucións. Advírtese que, de non compareceren, se considerarán notificadas no vencemento do prazo indicado para comparecer.

Así mesmo, este edicto publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

Infórmase de que contra as resolucións, que esgotan a vía administrativa como consta nelas, poderán interpoñer demanda perante o xulgado do social dentro dos trinta (30) días seguintes á data da notificación por comparecencia, segundo o disposto no artigo 71 da Lei 36/2011, do 10 de outubro, reguladora da xurisdición social.

A Coruña, 20 de novembro de 2020

María Blanco Aller
Xefa territorial da Coruña

ANEXO I

Procedemento BS650A

DNI/NIE	Nº de expediente	Resolución	Data
34680598W	150133294	Desestimación	7.9.2020
47359451J	150058219	Desestimación	13.10.2020

ANEXO II

Procedemento BS650G

DNI/NIE	Nº de expediente	Resolución	Data
33126327W	150097619	Estimación	28.9.2020
55043481L	150057717	Estimación	19.10.2020