O Pleno da Corporación, na sesión extraordinaria que tivo lugar o día 17 de novembro de 2020, adoptou, entre outros, o seguinte acordo:

Aprobar definitivamente o estudo de detalle do solo urbano non consolidado do POL-4, Santa Ana, Mera (documento R.E. nº 2020015334 do 9.11.2020), con condicións.

Contra este acordo, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que aproba unha disposición de carácter xeral, poderase interpor recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio, de conformidade coa Lei 29/1998, do 13 de xullo, da xurisdición contencioso-administrativa. Todo iso sen prexuízo de que se poida interpor calquera outro recurso que se considere máis conveniente.

O texto do documento aprobado definitivamente pode ser consultado no enderezo electrónico do concello www.oleiros.org.

Oleiros, 23 de novembro de 2020

Ángel García Seoane
Alcalde presidente