No Xulgado do Contencioso-Administrativo número 2 de Santiago de Compostela tramítase o recurso 379/2020 (procedemento abreviado) de Montserrat Berrocal Castañeda, interposto contra a Resolución do 27 de maio de 2020, da Dirección Xeral de Recursos Humanos, pola que se publica a relación provisional de admitidos/as e excluídos/as e se aproba a oferta de destinos no ciclo de adxudicación correspondente ao ano 2020 do concurso de traslados aberto e permanente para a provisión de prazas básicas de persoal estatutario sanitario e de xestión e servizos (DOG núm. 108, do 4 de xuño).

En concreto, o recurso afecta a praza básica da categoría de facultativo/a especialista en Pediatría e as súas áreas específicas do Complexo Hospitalario Universitario de Santiago, Área Sanitaria de Santiago de Compostela e A Barbanza.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado, no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 1 de decembro de 2020

Ana Mª Comesaña Álvarez
Directora xeral de Recursos Humanos