En cumprimento do artigo 10 do Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre (DOG núm. 110, do 9 de xuño), sométese a información pública o proxecto para a instalación do establecemento que se describe:
Solicitante: A Ostreira, S.L. (B36022598).
Tipo: criadeiro de moluscos.
Proxecto: legalización e adecuación á normativa aplicable dunha instalación de acuicultura.
Localización: lugar de Rons, termo municipal do Grove (Pontevedra).
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións nesta dirección xeral, situada na praza de Europa, 5 A, 4º (polígono das Fontiñas), 15781 Santiago de Compostela, no prazo de vinte días, contados a partir do seguinte ao da publicación deste anuncio.
Santiago de Compostela, 19 de novembro de 2020
Mercedes Rodríguez Moreda
Directora xeral de Pesca, Acuicultura e Innovación Tecnolóxica