Unha vez convocada mediante Resolución do 6 de xullo de 2020 (DOG nº 140, do 15 de xullo) a provisión de diversos postos de xefe/a de grupo de persoal de xestión e servizos de atención primaria da área de Santiago de Compostela e Barbanza, esta xerencia, en virtude das competencias atribuídas polo Decreto 137/2019, do 10 de outubro, polo que se establece a estrutura orgánica do Servizo Galego de Saúde; pola Orde do 22 de abril de 2020 (DOG nº 82, do 29 de abril), de delegación de competencias en órganos centrais e periféricos da Consellería de Sanidade e do Servizo Galego de Saúde, e polo Decreto 134/2019, do 10 de outubro (DOG nº 204, do 25 de outubro), polo que se regulan as áreas sanitarias e os distritos sanitarios do sistema público de saúde de Galicia,
DISPÓN:
Primeiro. Resolver a convocatoria pública para a provisión de diversos postos de xefe/a de grupo de persoal de xestión e servizos de atención primaria da área sanitaria de Santiago de Compostela e Barbanza.
Segundo. Declarar deserto o posto de xefe/a de grupo de persoal de xestión e servizos do Servizo de Atención Primaria de Ames-Bertamiráns, por renuncia dos/das tres candidatos/as que se presentaban ao devandito posto.
Terceiro. Nomear, para os postos que se indican, as persoas citadas no anexo desta resolución.
Cuarto. Os/as aspirantes seleccionados/as deberán cesar na praza que desempeñen dentro dos tres días hábiles seguintes a aquel en que se publique a resolución no Diario Oficial de Galicia.
A toma de posesión do posto de traballo adxudicado deberá efectuarse dentro dos tres días hábiles seguintes ao do cesamento. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrito ou destino provisional ou comisión de servizos.
Se así o permiten as necesidades do servizo, e por petición motivada do/da interesado/a, os prazos a que se refiren os parágrafos anteriores poderán ser prorrogados polo órgano convocante.
O prazo de toma de posesión e a súa prórroga terán a condición de servizo activo, e percibiranse os correspondentes haberes de conformidade co que se estableza na orde sobre confección de nóminas do persoal ao servizo da Administración autonómica.
Entenderase que solicita excedencia voluntaria por interese particular e será declarado/a en esa situación polo órgano competente quen non se incorpore ao posto adxudicado no prazo establecido.
Quinto. Contra a presente resolución poderá interporse recurso de alzada ante a Dirección Xeral de Recursos Humanos do Servizo Galego de Saúde, no prazo dun mes contado a partir do día seguinte ao da súa publicación, nos termos establecidos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 4 de decembro de 2020
Eloína Núñez Masid
Xerente da Área Sanitaria de Santiago de Compostela e Barbanza
ANEXO I
Denominación do posto: xefe/a de Grupo de Persoal de Xestión e Servizos do Servizo de Atención Primaria de Boiro.
Nome e apelidos: Luis Antón Busto Castaño.
DNI (*): ***7572**.
Denominación do posto: xefe/a de Grupo de Persoal de Xestión e Servizos do Servizo de Atención Primaria de Concepción Arenal-tarde.
Nome e Apelidos: Manuela Fuentes Veiga.
DNI (*): ***9862**.
(*) Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro.
