Mediante a Resolución do 18 de agosto de 2020 (DOG núm. 174, do 28 de agosto), aprobáronse e publicáronse as bases reguladoras dos premios de investigación sobre VIH e/ou outras infeccións de transmisión sexual (ITS) 2020.
O xurado destes premios fixo unha revisión bibliográfica dos artigos que cumpren cos requisitos recollidos nas bases reguladoras, avaliándoos segundo os criterios de selección establecidos, tal como se recolle no artigo 8 das referidas bases.
Debido á situación epidemiolóxica derivada da COVID-19 substituíuse a reunión prevista para poñer en común a avaliación dos artigos científicos e propoñer o acordo de concesión por comunicacións a través do correo electrónico efectuadas entre o 13 e o 19 de novembro, e nesta data quedou establecido o acordo de concesión ás catro persoas galardoadas.
O 23 de novembro recibiuse a aceptación expresa das persoas propostas e a acreditación da súa vinculación a un centro ou institución galega incluído no ámbito de aplicación destas bases no momento da elaboración do artigo.
As ditas bases establecían no artigo 10 que a persoa titular da presidencia da Axencia Galega para a Xestión do Coñecemento en Saúde (ACIS) ditará a resolución do premio que será inapelable, e farase pública a través do Diario Oficial de Galicia e das páxinas web do Servizo Galego de Saúde www.sergas.es e da ACIS www.acis.sergas.gal
Crédito orzamentario: catro mil cincocentos euros (4.500,00 €), con cargo á aplicación orzamentaria 2020-12.A1-411A-480.00/Proxecto 2018/00003 dos orzamentos do ano 2020 da ACIS:
a) Primeiro premio cunha dotación de tres mil euros (3.000,00 €).
b) Segundo premio cunha dotación de mil cincocentos euros (1.500,00 €).
c) Primeiro accésit (sen dotación económica).
d) Segundo accésit (sen dotación económica).
No que se refire ás persoas investigadoras premiadas, véxase o anexo.
Santiago de Compostela, 24 de novembro de 2020
Julio García Comesaña
Presidente da Axencia Galega para a Xestión do Coñecemento en Saúde
ANEXO
Persoas premiadas
Núm. |
Persoas autoras |
Título do artigo |
Centro ou institución galega |
Importe |
1º |
Margusino-Framiñán, L. |
Effectiveness and safety of daclatasvir/sofosbuvir with or without ribavirin in genotype 3 hepatitis c virus infected patients. Results in real clinical practice |
Servizo de Farmacia, Hospital Universitario da Coruña (CHUAC) Grupo de Investigación de Viroloxía Clínica. Instituto de Investigación Biomédica A Coruña |
3.000,00 € |
2º |
Freijomil-Vázquez, Carla |
Health care informational challenges for women diagnosed with cervical intraepithelial neoplasia: a qualitative study |
Facultade de Enfermaría e Podoloxía, Universidade da Coruña, Campus de Esteiro, Ferrol Laboratorio de Investigación Cualitativa en Ciencias da Saúde (CCSS), Grupo de Investigación Cardiovascular (Grincar), Universidade da Coruña, Ferrol |
1.500,00 € |
1º accésit |
Borrajo, A. |
Different Patterns of HIV-1 Replication in MACROPHAGES is Led by Co-Receptor Usage |
Group of Virology and Pathogenesis, Galicia Sur Health Research Institute (IIS Galicia Sur)-Complexo Hospitalario Universitario de Vigo, Sergas-UVigo |
_ |
2º accésit |
Purrinos-Hermida, M.J. |
Modifying therapeutic behaviours in gonococcal infections |
Servizo de Epidemioloxía. Dirección Xeral de Saúde Pública. Consellería de Sanidade |
_ |