Ponse en coñecemento dos interesados na reestruturación parcelaria da zona de Troáns-sector I (Cuntis-Pontevedra) que, con data do 8 de novembro de 2020, a directora xeral de Desenvolvemento Rural aprobou a resolución que a seguir se cita:
«Á vista da disposición transitoria primeira da Lei 4/2015, do 17 de xuño, de mellora da estrutura territorial agraria de Galicia, e en cumprimento do establecido no seu artigo 35, unha vez revisada a documentación e os planos que a compoñen, mediante este acto apróbase o acordo de concentración parcelaria da zona de Troáns-sector I (Cuntis-Pontevedra).
Conforme o establecido no punto 3 do artigo 16 da dita lei, queda disolta a Xunta Local da zona.
A Xefatura Provincial do Servizo de Infraestruturas Agrarias do Departamento Territorial da Consellería do Medio Rural de Pontevedra disporá a súa notificación e publicación nos termos legalmente establecidos».
Contra esta resolución, que non pon fin á vía administrativa, as persoas interesadas poderán interpoñer recurso de alzada, ante a persoa titular da Consellería do Medio Rural, dentro do prazo dun (1) mes contado desde o día seguinte ao da recepción persoal ou da publicación substitutiva.
Pontevedra, 16 de novembro de 2020
María José Pérez Gil
Xefa do Servizo de Infraestruturas Agrarias de Pontevedra