Mediante a Resolución do 2 de setembro de 2020, da Xerencia da Área Sanitaria de Pontevedra e O Salnés (DOG nº 186, do 14 de setembro), convocouse a provisión, polo sistema de libre designación, de postos de coordinador/a de servizo de Atención Primaria.
En virtude das competencias atribuídas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG nº 204, do 25 de outubro), o xerente da Área Sanitaria de Pontevedra e O Salnés
RESOLVE:
Primeiro. Adxudicarlles os postos de coordinador/a de servizo de Atención Primaria na Área Sanitaria de Pontevedra e O Salnés aos aspirantes seleccionados, relacionados no anexo.
Segundo. Os/as aspirantes deberán cesar na praza que desempeñe dentro dos tres (3) días hábiles seguintes a aquel en que se publique a resolución no Diario Oficial de Galicia.
A toma de posesión do posto de traballo adxudicado deberase efectuar dentro dos tres (3) días hábiles seguintes ao do cesamento. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrición ou destino provisional ou comisión de servizos.
Se así o permiten as necesidades do servizo, e por petición motivada do/da interesado/a, os prazos a que se refiren os parágrafos anteriores poderán ser prorrogados polo órgano convocante.
O prazo de toma de posesión e a súa prórroga terán a condición de servizo activo, os correspondentes haberes percibiranse de conformidade co que estableza a orde sobre confección de nóminas do persoal ao servizo da Administración autonómica.
Entenderase que solicita excedencia voluntaria por interese particular, e será declarado/a nesa situación polo órgano competente, quen non se incorpore ao posto adxudicado no prazo establecido.
Terceiro. Contra esta resolución poderá interpoñerse recurso de alzada, ante a Dirección Xeral de Recursos Humanos do Servizo Galego de Saúde, no prazo dun (1) mes contado desde o día seguinte ao da publicación desta resolución, segundo o establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Pontevedra, 3 de novembro de 2020
José Ramón Gómez Fernández
Xerente da Área Sanitaria de Pontevedra e O Salnés
ANEXO
Adxudicación de prazas
Apelidos e nome |
DNI |
Código |
Denominación |
Servizo/Unidade |
Casal Sobral, Nieves |
***5294** |
S-A2-357 |
Coordinador/a servizo |
Servizo A Parda (Pontevedra) |
Deserta |
.... |
S-A2-357 |
Coordinador/a servizo |
Servizo Bueu (Pontevedra) |
Ningún/ningunha aspirante presentado/a |
.... |
S-A2-357 |
Coordinador/a servizo |
Servizo Cambados (Pontevedra) |
Ningún/ningunha aspirante presentado/a |
.... |
S-A2-357 |
Coordinador/a servizo |
Servizo Poio (Pontevedra) |
Deserta |
.... |
S-A2-357 |
Coordinador/a servizo |
Servizo Terra de Montes (Pontevedra) |
Deserta |
.... |
S-A2-357 |
Coordinador/a servizo |
Servizo Vilagarcía de Arousa (Pontevedra) |
Ningún/ningunha aspirante presentado/a |
.... |
S-A2-357 |
Coordinador/a servizo |
Servizo Vilanova de Arousa (Pontevedra) |
(*) Ocúltase parcialmente o número do DNI para preservar os datos de carácter persoal, de acordo coa Lei orgánica 3/2018, do 5 de decembro.