Visto o expediente instruído para os efectos de transmisión da concesión administrativa e da batea H.L. VII, resulta:
a) Antecedentes:
Primeiro. Mediante escrito do 30 de xullo de 2020, Alfonso Lojo Outeiral solicitou autorización para transmisión mortis causa da concesión administrativa e da batea H.L. VII.
Segundo. O informe da Dirección Xeral de Pesca, Acuicultura e Innovación Tecnolóxica sobre a tramitación do expediente é favorable.
b) Consideración legais e técnicas:
Primeira. Este órgano é competente para resolver o expediente consonte a Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.
Segunda. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).
Por todo o anterior, resolvo:
Autorizar a transmisión mortis causa, a favor de Alfonso Lojo Outeiral (***5477**), David Lojo Outeiral (***8071**) e Mario Lojo Outeiral (***6682**), da concesión administrativa e da batea que se indica a continuación:
Identificación:
Tipo: batea.
Nome: H.L. VII.
Localización:
Cuadrícula nº: 156.
Polígono: H.
Distrito: Caramiñal (A Coruña).
Especie autorizada: mexillón (Mytilus galloprovincialis).
Título habilitante: concesión de actividade.
Orde de outorgamento: 29.9.1966.
Remate da vixencia: 15.12.2029.
Actuais titulares: Carmen Outeiral Blanco (***1308**), Alfonso Lojo Outeiral (***5477**) , David Lojo Outeiral (***8071**) e Mario Lojo Outeiral (***6682**).
Novos titulares: Alfonso Lojo Outeiral (***5477**), David Lojo Outeiral (***8071**) e Mario Lojo Outeiral (***6682**).
Os novos titulares da concesión quedan subrogados nos dereitos e obrigas dos anteriores.
Contra esta resolución, que esgota a vía administrativa, poderase interpoñer recurso potestativo de reposición no prazo dun (1) mes, ante a conselleira do Mar, ou recurso contencioso-administrativo, ante a xurisdición contencioso-administrativa, que se interporá no prazo de dous (2) meses, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.
A Coruña, 22 de outubro de 2020
A conselleira do Mar
P.D. (Orde do 8.9.2017)
María José Cancelo Baquero
Xefa territorial da Coruña