Ao non ser posible a práctica da notificación aos titulares das referencias catastrais que se relacionan a continuación por causas non imputables a esta Administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, procede notificar mediante anuncio no Boletin Oficial del Estado e no Diario Oficial de Galicia resolución mediante a que se ordena a xestión da biomasa vexetal e a retirada de especies arbóreas prohibidas, segundo o establecido nos artigos 21, 22 e 23 da Lei 3/2007, do 9 de abril, de prevención e defensa contra os incendios forestais de Galicia e a súa modificación pola Lei 9/2017, do 26 de decembro, de medidas fiscais e administrativas e a concesión do trámite de audiencia por prazo de quince días durante os cales poderán os interesados alegar e presentar os documentos e xustificacións que estimen oportunas.

Así mesmo, ponse en coñecemento da persoa responsable que o contido íntegro da citada notificación, así como da totalidade do expediente administrativo, se atopan á disposición dos interesados para o seu exame e coñecemento nas dependencias de Urbanismo do Concello de Viveiro, das 9.00 horas ás 14.00 horas, os días laborables, de luns a venres.

Viveiro, 16 de outubro de 2020

María Loureiro García
Alcaldesa