De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, publícase o emprazamento a Amalia Peteiro Rodríguez para o trámite de audiencia ditado no expediente de reposición da legalidade urbanística LUG/138/2019-RP1, en relación coas obras de execución de dúas edificacións con tipoloxía de uso residencial, levadas a cabo no lugar de Moas, na parroquia de San Pedro de Benquerencia, no termo municipal de Barreiros, provincia de Lugo.
O expediente relacionado está á disposición da interesada na Axencia de Protección da Legalidade Urbanística, sita no Edificio Witland-Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación deste anuncio no Boletín Oficial del Estado. Transcorrido o dito prazo, a notificación entenderase producida.
A interesada disporá dun prazo de quince (15) días hábiles, contados a partir do día seguinte a aquel en que se producise a notificación deste anuncio, para alegar e presentar os documentos e as informacións que xulgue pertinentes.
Para que conste e lle sirva de notificación á citada interesada, en cumprimento do disposto no artigo 44 da Lei 39/2015, expido e asino este anuncio.
Santiago de Compostela, 13 de outubro de 2020
Jacobo Hortas García
Director da Axencia de Protección da Legalidade Urbanística