Logo de solicitude do concesionario Club Náutico de Boiro, a presidenta de Portos de Galicia acordou o día 4.9.2020 iniciar o trámite de modificación da concesión outorgada ao Club Náutico de Boiro para a construción e explotación de instalacións náutico-recreativas no porto de Cabo de Cruz (Boiro).
Para poder xustificar a ampliación de prazo extraordinario segundo o disposto na disposición transitoria segunda da Lei 6/2017 o concesionario acreditou a realización dunha serie de investimentos que ascenden a un total de 176.409,19 € (IVE excluído), definidos na documentación técnica achegada á solicitude.
En cumprimento do disposto no artigo 70.2 da Lei 6/2017, do 12 de decembro, de portos de Galicia, faise público para que as persoas e entidades interesadas poidan examinar o expediente e presentar por escrito as alegacións que consideren oportunas na sede electrónica da Xunta de Galicia, https://sede.xunta.gal/portada, usando o procedemento xenérico PR0004, ou nun rexistro habilitado para o efecto, no prazo de vinte (20) días hábiles, contados a partir do seguinte ao de publicación do presente anuncio no Diario Oficial de Galicia.
Santiago de Compostela, 15 de setembro de 2020
Susana Lenguas Gil
Presidenta de Portos de Galicia