Unha vez presentada a renuncia do vogal suplente do tribunal que deberá cualificar o proceso selectivo, pola quenda de acceso libre, para o ingreso no corpo auxiliar da Administración xeral da Comunidade Autónoma de Galicia, subgrupo C2, convocado pola Orde da Consellería de Facenda do 22 de novembro de 2019, publicada no Diario Oficial de Galicia número 224, do 25 de novembro de 2019, e de conformidade co establecido nas bases da convocatoria, esta consellería
DISPÓN:
Primeiro. Aceptar a renuncia presentada por Jaime Barros Leboreiro como vogal suplente do tribunal que deberá cualificar o proceso selectivo, pola quenda de acceso libre, para o ingreso no corpo auxiliar da Administración xeral da Comunidade Autónoma de Galicia, subgrupo C2.
Segundo. Nomear no seu lugar como vogal suplente do dito tribunal a Francisco Rodríguez Vila, persoal funcionario do corpo administrativo da Administración xeral da Comunidade Autónoma de Galicia, subgrupo C1.
Santiago de Compostela, 6 de outubro de 2020
José María Barreiro Díaz
Director xeral da Función Pública