A Xunta de Goberno Local, en sesión ordinaria do 17 de setembro de 2020, acordou aprobar inicialmente o expediente expropiatorio, polo procedemento de taxación conxunta, para os efectos da obtención dos terreos afectados pola primeira fase de ampliación dos equipamentos do Colexio Ramón Otero Pedrayo, segundo o proxecto expropiatorio redactado para o efecto.
O proxecto de expropiación sométese á información pública durante o prazo dun mes, mediante inserción de anuncios no Diario Oficial de Galicia e nun xornal dos de maior circulación da provincia, coas parcelas afectadas pola primeira fase de ampliación dos equipamentos do Colexio Ramón Otero Pedrayo, vía SX86 (r/ Bos Aires, lugar A Calzada), para que aqueles que poidan resultar interesados formulen as observacións e reclamacións que consideren convenientes, en particular, no que atinxe á titularidade ou valoración dos respectivos dereitos.
A Laracha, 1 de outubro de 2020
José Manuel López Varela
Alcalde