Mediante a Resolución reitoral do 4 de marzo de 2020 (DOG do 17 de marzo e BOE do 2 de xuño) convocáronse probas selectivas para cubrir trece prazas na escala de xestión, subgrupo A2, cinco pola quenda de promoción interna e oito pola quenda de acceso libre.
Mediante a Resolución reitoral do 1 de xullo de 2020 (DOG do 9 de xullo) aprobouse a relación provisional de persoas aspirantes admitidas e excluídas nas mencionadas probas selectivas, fixándose un prazo para emendar os defectos que motivaran a exclusión ou omisión.
Rematado o dito prazo e consonte o establecido na base 4.5 da convocatoria,
RESOLVO:
Primeiro. Declarar aprobada e facer pública a listaxe definitiva de persoas admitidas e excluídas polas quendas de promoción interna e de acceso libre ás citadas probas.
Segundo. Indicar que a citada listaxe definitiva está exposta no taboleiro electrónico da USC e na web: https://www.usc.es/gl/servizos/plan_pas/convocatorias.html.
Terceiro. Convocar as persoas aspirantes admitidas que non están exentas deste exercicio para a realización do primeiro exercicio da fase de oposición (probas de lingua galega), o día 30 de novembro de 2020 ás 9.00 horas, na Aula de Formación da Biblioteca Concepción Arenal, Campus Vida (rúa dos Feáns, Santiago de Compostela).
A publicación dos sucesivos anuncios de celebración dos demais exercicios efectuarase polo tribunal nos locais onde se realizara a proba anterior, no taboleiro electrónico da universidade e na páxina web: http://www.usc.es/gl/servizos/plan_pas/convocatorias.html.
Contra a presente resolución, que esgota a vía administrativa, poderase interpoñer un recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous (2) meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpoñer un recurso potestativo de reposición no prazo dun (1) mes perante o órgano que a ditou. Neste caso non se poderá interpoñer o recurso contencioso-administrativo antedito mentres non recaia resolución expresa ou presunta do recurso administrativo de reposición, ao abeiro dos artigos 123 e seguintes da Lei 39/2015, do 1 de outubro, do procedemento administrativo común das administracións públicas.
Santiago de Compostela, 25 de setembro de 2020
Antonio López Díaz
Reitor da Universidade de Santiago de Compostela