A Orde do 18 de xuño de 2020 regula a convocatoria e a concesión de subvencións ás entidades locais de Galicia para a promoción do uso da lingua galega (DOG núm. 141, do 16 de xullo).

Logo de ver os informes-proposta formulados pola comisión constituída ao abeiro do artigo 16 da dita convocatoria e polo órgano instrutor que recolle o artigo 14, e en virtude das facultades que me confire a Orde do 21 de marzo de 2019 e a disposición adicional segunda do Decreto 130/2020, do 17 de setembro, de delegación de competencias nos órganos superiores e de dirección da Consellería de Cultura, Educación e Universidade, esta secretaría xeral

RESOLVE:

Primeiro. A concesión de axudas, na contía que se indica, aos proxectos relacionados no anexo. Nesta relación inclúense as propostas que non se subvencionan polos motivos que aparecen baixo a epígrafe correspondente, de acordo cos criterios establecidos na Orde do 18 de xuño de 2020.

Segundo. De conformidade co artigo 4.2.b da Lei 1/2016, de 18 de xaneiro, de transparencia e bo goberno da Comunidade Autónoma de Galicia, e co previsto no Decreto 132/2006, de 27 de xullo, polo que se regulan os rexistros públicos creados nos artigos 44 e 45 da Lei 7/2005, do 29 de decembro, de orzamentos xerais da Comunidade Autónoma de Galicia para o ano 2006, a secretaría xeral fará públicos os datos relevantes referidos ás axudas e subvencións concedidas, así como as sancións impostas aos beneficiarios.

Contra esta resolución, que esgota a vía administrativa, os interesados poderán interpoñer recurso potestativo de reposición ante a persoa titular da Secretaría Xeral de Política Lingüística, no prazo dun mes contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, quen resolverá por delegación do conselleiro de Cultura, Educación e Universidade, de acordo co establecido na Orde do 18 de xuño de 2020, ou ben, directamente, recurso contencioso-administrativo no prazo de dous meses ante o Tribunal Superior de Xustiza de Galicia.

Santiago de Compostela, 1 de outubro de 2020

Valentín García Gómez
Secretario xeral de Política Lingüística

ANEXO

Número de expediente	Entidade	Importe	Motivo da denegación
2020/0001	Concello de Dumbría	-	Artigo 1 da convocatoria
2020/0002	Concello de Ourense	3.778,10 €
2020/0003	Mancomunidade de municipios da Comarca de Ordes	4.254,80 €
2020/0004	Concello de Cambre	1.574,20 €
2020/0005	Concello de Culleredo	2.203,90 €
2020/0006	Vive Nigrán, S.L.	-	Artigo 3 da convocatoria
2020/0007	Concello de Moaña	3.193,40 €
2020/0008	Concello de Redondela	2.713,00 €
2020/0009	Concello de Narón	3.058,40 €
2020/0010	Concello de Muros	2.383,80 €
2020/0011	Concello do Carballiño	3.013,50 €
2020/0012	Concello de Valga	2.833,60 €
2020/0013	Concello de Ponteceso	2.473,70 €
2020/0014	Concello de Melide	2.292,00 €
2020/0015	Concello do Grove	3.778,10 €
2020/0016	Concello de Abegondo	2.698,60 €
2020/0017	Concello de Betanzos	2.923,50 €
2020/0018	Concello de Santa Comba	2.653,60 €
2020/0019	Agrupamento dos concellos da Baña e Negreira	3.830,40 €
2020/0020	Concello de Ponteareas	3.227,60 €
2020/0021	Concello de Arzúa	2.743,60 €
2020/0022	Concello de Oleiros	3.328,00 €
2020/0023	Concello de Vigo	2.788,60 €
2020/0024	Concello de Outes	3.134,00 €
2020/0025	Concello das Pontes de García Rodríguez	1.619,20 €
2020/0026	Concello de Ames	3.508,20 €
2020/0027	Concello da Pobra do Caramiñal	-	Artigo 4 da convocatoria. Artigo 10.1 do Decreto 11/2009 do Regulamento de subvencións de Galicia
2020/0028	Concello de Boiro	2.653,60 €
2020/0029	Concello de Ribeira	2.788,60 €
2020/0030	Concello de Miño	2.563,70 €
2020/0031	Concello da Coruña	3.193,40 €
2020/0032	Concello de Rianxo	2.572,70 €
2020/0033	Concello de Ferrol	3.643,10 €
2020/0034	Agrupamento dos concellos de Carnota e Mazaricos	2.911,40 €
2020/0035	Concello de Teo	3.227,60 €
2020/0036	Agrupamento dos concellos de Rois e Dodro	3.696,50 €
2020/0037	Concello de Vilalba	2.743,60 €