Co obxecto de dar cumprimento ao establecido no artigo 18.8 do Decreto 66/2016, do 26 de maio, polo que se aproba o Regulamento xeral de estradas de Galicia, procedeuse á publicación, no Boletín Oficial da provincia de Pontevedra e na páxina web www.depo.gal, do contido das seguintes actas de entrega de tramos de estradas provinciais:
No BOPPO número 153, de 11 de agosto de 2020:
– Acta de entrega ao Concello de Gondomar de dous treitos antigos, de 110 e 60 metros lineais, da estrada provincial E.P. 2102 Nigrán-Vincios, asinada o día 25 de xuño de 2020.
– Acta de entrega ao Concello de Salceda de Caselas do treito comprendido entre o punto quilométrico 0+000 e o punto quilométrico 0+350 da estrada provincial E.P. 2505 Salceda-Caldelas, asinada o día 25 de xuño de 2020.
– Acta de entrega ao Concello da Guarda da totalidade da estrada provincial E.P. 3401 acceso ao porto da Guarda, asinada o día 9 de xullo de 2020.
No BOPPO número 168, do 1 de setembro de 2020:
– Acta de entrega ao Concello de Pontevedra das obras dos proxectos de «Acceso oeste a Montecelo», asinada o día 1 de xullo de 2020.
– Acta de entrega ao Concello de Vila de Cruces do treito antigo da estrada provincial E.P. 6408 Merza-Bascuas, asinada o día 6 de agosto de 2020.
O que se fai público para xeral coñecemento e demais efectos.
Pontevedra, 4 de setembro de 2020
A presidenta da Deputación de Pontevedra |
Carlos Cuadrado Romay |