De conformidade co disposto nos artigos 42.2 e 44 da Lei 39/2015, do 1 de outubro, do procedemento administrativo común das administracións públicas, emprázanse por medio do presente anuncio, publicado no Boletín Oficial del Estado (BOE), os propietarios da zona de concentración parcelaria de Broño-A Pena-Landeira II (Parada-A Coruña) que figuran no anexo, para seren notificados por comparecencia de trámites de audiencia relativos a unha proposta de modificación do acordo de concentración da dita zona que os afecta.

Así mesmo, este anuncio publicarase no Diario Oficial de Galicia (DOG), ben que a eficacia do acto notificado quedará supeditada á súa publicación no BOE.

Para consultar o expediente, poderán solicitar cita previa nas dependencias deste servizo chamando ao teléfono 981 18 46 43, das 9.00 ás 14.00 horas, de luns a venres.

A comparecencia deberase efectuar no prazo de dez (10) días, contados desde o seguinte ao da publicación deste anuncio no BOE.

Transcorrido o devandito prazo sen efectuarse a comparecencia, a notificación entenderase producida desde o día seguinte ao da publicación.

A Coruña, 18 de setembro de 2020

Mónica López López
Xefa territorial da Coruña

ANEXO

Interesados	Acto notificado	Zona de concentración parcelaria
Alfonso Almozara Suárez	Trámite de audiencia	Broño-A Pena-Landeira II (Negreira-A Coruña)
Bautista Almozara Suárez	Trámite de audiencia	Broño-A Pena-Landeira II (Negreira-A Coruña)