A Lei 1/2016, do 18 de xaneiro, de transparencia e bo goberno, crea, no seu artigo 33, a Comisión da Transparencia de Galicia e atribúelle, no seu parágrafo 2.a) a súa presidencia á persoa titular da institución do Valedor do Pobo.

No exercicio das funcións inherentes á presidencia da dita comisión, e por proposta do conselleiro de Facenda e Administración Pública,

RESOLVO:

Primeiro. Que cese Natalia Prieto Viso como vogal da Comisión da Transparencia de Galicia en representación da Comisión Interdepartamental de Información e Avaliación da Xunta de Galicia.

Segundo. Nomear a Jesús Oitavén Barcala, director xeral de Avaliación e Reforma Administrativa, como vogal da Comisión da Transparencia de Galicia en representación da Comisión Interdepartamental de Información e Avaliación da Xunta de Galicia.

Santiago de Compostela, 24 de setembro de 2020

María Dolores Fernández Galiño
Valedora do Pobo
Presidenta da Comisión da Transparencia