De conformidade coa proposta da Comisión designada para xulgar o concurso de acceso que convocou esta universidade por Resolución do 8 de xuño de 2020 (BOE do 12 de xuño), para a provisión da praza número 20/011 de catedrática de universidade da área de coñecemento de Fundamentos da Análise Económica, Departamento de Economía desta universidade, a favor de María Isabel Novo Corti, con DNI núm. ***3076** e unha vez que a persoa interesada acreditase os requisitos establecidos na convocatoria.

Esta reitoría, no uso das atribucións que lle confire o artigo 20 da Lei 6/2001, do 21 de decembro, de universidades, e demais disposicións que a desenvolven, resolveu nomear a María Isabel Novo Corti catedrática de universidade da área de coñecemento de Fundamentos da Análise Económica, Departamento de Economía desta Universidade.

No prazo máximo de vinte días, contado desde o día seguinte á publicación deste nomeamento no Boletín Oficial del Estado, a persoa candidata deberá tomar posesión do seu destino.

Contra a presente resolución, que esgota a vía administrativa, poderá interpoñer un recurso contencioso-administrativo no prazo de dous meses, que se contarán desde o día seguinte ao da súa publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderá interpoñer un recurso de reposición ante esta reitoría, no prazo dun mes, de acordo co establecido nos artigos 123 e 124 da Lei 39/2015, de 1 de outubro, do procedemento administrativo común das administracións públicas (BOE de 2 de outubro).

A Coruña, 10 de setembro de 2020

Julio E. Abalde Alonso
Reitor da Universidade da Coruña