DOG 186 do 14/09/2020 - ANUNCIO do 4 de setembro de 2020, da Xerencia da Área Sanitaria de Lugo, A Mariña e Monforte de Lemos, polo que se dá publicidade da resolución da mesma data pola que se convoca para vinculación temporal, por concurso de méritos, a cobertura de diversas prazas da categoría de facultativo/a especialista de área.

IV. Oposicións e concursos

Servizo Galego de Saúde

ANUNCIO do 4 de setembro de 2020, da Xerencia da Área Sanitaria de Lugo, A Mariña e Monforte de Lemos, polo que se dá publicidade da resolución da mesma data pola que se convoca para vinculación temporal, por concurso de méritos, a cobertura de diversas prazas da categoría de facultativo/a especialista de área.

De acordo co disposto no artigo 67 do Decreto 206/2005 de 22 de xullo (DOG núm. 145, de 29 de xullo), de provisión de prazas de persoal estatutario do Servizo Galego de Saúde, en virtude das competencias atribuídas polo Decreto 137/2019, de 10 de outubro (DOG núm. 208, de 31 de outubro), polo que se establece a estrutura orgánica do Servizo Galego de Saúde, e no Decreto 134/2019, de 10 de outubro (DOG núm. 204, de 25 de outubro) polo que se regulan as áreas sanitarias e os distritos sanitarios do Sistema público de Galicia, así como na Orde de 22 de abril de 2020 (DOG núm. 82, de 29 de abril), sobre delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde modificada pola Orde do 25 de maio de 2020 (DOG num. 103, de 29 de maio) esta xerencia

DISPÓN:

Primeiro. Anunciar a convocatoria para cubrir, mediante vinculación temporal, por concurso de méritos, diversas prazas de facultativo/a especialista de área.

Segundo. As bases íntegras da convocatoria estarán expostas no taboleiro de anuncios do Complexo Hospitalario Universitario de Lugo (Oficina de Atención ao Traballador), na intranet da Xerencia da Área Sanitaria de Lugo, A Mariña e Monforte de Lemos, así como na páxina web do Servizo Galego de Saúde (www.sergas.es).

Terceiro. As solicitudes para participar na presente convocatoria, xunto coa documentación á que se refiren as bases, presentaranse preferentemente, dirixidas ao xerente da Área Sanitaria, no Rexistro de Entrada do Complexo Hospitalario Universitario de Lugo, sito na rúa Dr. Ulises Romero, nº 1, 27003, Lugo, podendo presentarse tamén a través de calquera dos procedementos do artigo 16 da Lei 39/2015, de 1 de outubro, do procedemento administrativo común das administracións públicas, no prazo de dez (10) días hábiles contados a partir do día seguinte ao da publicación deste anuncio no Diario Oficial de Galicia.

Lugo, 4 de setembro de 2020

Ramón Ares Rico
Xerente da Área Sanitaria de Lugo, A Mariña e Monforte de Lemos