Para os efectos previstos no artigo 54 da Lei 7/2012, do 28 de xuño, de montes de Galicia, dáselle publicidade á proposta de deslindamento do MVMC de Baamonde con propiedades particulares, presentada o 20.11.2019, e emendada o 29.6.2020, pola comunidade de Baamonde.
Con data do 7.8.2020, o Servizo de Montes de Lugo emitiu un informe favorable ao considerar que non existe menoscabo da integridade do MVMC.
Contra a proposta de deslindamento, no prazo dun (1) mes, que comezará a contar a partir do día seguinte ao da publicación deste anuncio no Diario Oficial de Galicia, as persoas interesadas poderán presentar ante a comunidade propietaria as alegacións e os títulos que acrediten a propiedade ou a posesión dos predios afectados.
Durante este prazo, a documentación estará dispoñible no Servizo de Montes de Lugo para os efectos de coñecer integramente o contido da dita proposta. Para consultar o expediente, deberase concertar cita previa no teléfono 982 88 92 56.
Lugo, 21 de agosto de 2020
A xefa territorial de Lugo
P.S. (Resolución do 20.7.2017)
Pablo Iglesias López
Xefe do Servizo de Explotacións